Hver vill fá vinnu á bát sem rær án kvóta?

,,Viðkomandi má ekki hafa neinu að tapa og því æskilegast að viðkomandi sé á sakaskrá og gjaldþrota. Möguleiki er einnig að viðkomandi fái góðan bát á leigu. Óskað verður í framhaldinu eftir frjálsum framlögum frá þjóðinni til að reka málið fyrir Mannréttindadómstóli Evrópu. Upplýsingar í einkaskilaboðum.“

Þannig hljómar fyrirsögn á færslu þar sem útgerðarmenn og sjómenn minni báta skiptast á skoðunum.

Magnús Guðbergsson skipstjóri á Suðurnesjum hóf umræðuna og fleiri taka þátt í umræðunni og styðja það að menn rísi upp gegn kvótakerfinu, kerfi sem sé ónýtt.

Hópmálsókn fyrir Mannréttindadómstóli Evrópu

,,Þessi gjörningur er hugsaður þannig að allir sem leggja fé í þessar aðgerðir sem stofnað verður ehf. utan um og mætti heita Réttlæti ehf.  Verða aðilar að réttlæti til handa þjóðinni enda verður það þjóðin sem á endanum rekur málið fyrir dómstólum. Ef hver einasti íslenskur ríkisborgari leggur málefninu lið með 500 krónum að lágmarki, er viðkomandi búinn að lýsa vantrausti á núverandi fiskveiðakerfi.

Blaðamaður Fréttatímans spyr Magnús að því hver krafan verði fyrir Mannréttindadómstóli Evrópu? ,,Hérna á Suðurnesjum er rúmlega 20% atvinnuleysi og við eigum örugglega eftir að sjá það fara vel yfir 30% í Covid, en við erum með báta hérna við bryggjur sem meiga ekkert gera. Við erum með fengsæl fiskimið fyrir framan okkur alla daga og báta sem geta t.d. stundað vistvænar krókaveiðar en við meigum ekki fara frá bryggju nema vera búnir að leigja kvóta af einhverjum út í bæ, jafnvel erfingja sem hefur aldrei díft hendi í kalt vatn hvað þá komið niður á bryggju. Þetta er það sem þeir aðilar sem ég hef verið í sambandi við, ætla ekki að láta bjóða sér lengur. Þetta sé afkomuofbeldi sem verði að taka á af fullum þunga. Svona er ástandið bæði hér og víða um allt land, fólk má ekki bjarga sér og veiða úr sameign þjóðarinnar. Þjóðin á kvótann samkvæmt lögum.

Og leiguverðið sem þessi aðili vill fá inn á prívat reikninginn hjá sér fyrir eitt tonn af fiski er jafnvel hærra verð en fæst fyrir fiskinn á fiskmarkaði. Þá situr eigandi bátsins eftir með allan kostnaðinn við að ná í fiskinn fyrir sægreifann eða sjóræningjann eftir því hvað menn vilja kalla þetta. Þetta lið sem er í kvótabraski og er að leigja frá sér fisk sem það jafnvel ætlar aldrei að veiða, vill fá hundruði þúsunda í leigu inn á sinn bankareikning en neitar svo að borga brotabrot af þeirri upphæð í auðlindagjald til þjóðarinnar. Við getum ekki einu sinni rekið sjúkrahús né bráðamóttöku á Íslandi eftir að kvótakerfið var sett á. Þetta er auðvitað stórgalið kerfi, hvernig sem á það er litið. Þeir sem ég hef heyrt í hafa einfaldlega fengið nóg og ætla að taka málin í sínar hendur því það sé vonlaust að bíða eftir breytingum á kerfinu, því hafi verið handstýrt af lokaðari klíku fyrir stórútgerðina í rúm 30 ár.

Ætla að róa án kvóta og hundsa ónýtt kvótakerfi

Ég veit af mönnum sem hafa sett sig í samband við mig og eru að undirbúa það að róa án kvóta og bara bjarga sér. Við vitum alveg hvaða öfl stjórna þessu ónýta og spillta kerfi hér, það hefur verið afhjúpað vel undanfarið og það sjá það allir að keisarinn er ekki í fötum og ansi margir eru með allt niður um sig eins og alþjóð veit og heimsfrægt er orðið. Við erum litin hornauga erlendis og erum vafasamir pappírar á gráum og svörtum listum hjá siðmentuðum þjóðum.

Ónýtt fiskveiðikerfi sem hefur ekki skilað neinum árangri á að leggja af án tafar

,,Kvótakerfið á að afnema tafarlaust og án allra bóta, þar sem kvótakerfið hefur ekki skilað aukningu í fiskveiðum frá því það var sett á fyrir 35 árum. En aftur á móti hafa fiskveiðar dregist saman um helming á tímabilinu og kefið er ónýtt og á engan rétt á sér. Menn nenna ekki lengur að bíða eftir að Landsamband Smábáta geri eitthvað enda litla LÍÚ og er með stórútgerðina innanborðs og því eðlilegt að þeir sjái bara kvóta enda mataðir af því sem þeir meiga gera.“ Segir Magnús Guðbergsson og hnýtir grein fyrir neðan færslu sína þar sem skipherra Landhelgisgæslunnar lýsir því yfir í viðtali að stríðið um landhelgina fyrir Ísland hafi verið til einskis.

https://gamli.frettatiminn.is/05/02/2021/andstaedingar-kvotakerfisins-safna-fyrir-bat/

Róið án kvóta frá Suðurnesjum