Gul viðvörun – Hvassviðri og stormur, slydduél og él

Hugleiðingar veðurfræðings

Í dag verður vestlæg átt, hvassviðri og sums staðar stormur. Slydduél eða él en dregur úr ofankomu þegar líður á daginn. Lengst af þurrt fyrir austan. Dregur smám saman úr vindi og í kvöld orðið nokkuð skaplegt víðast hvar. Vægt frost en yfirleitt frostlaust við ströndina. Á morgun er síðan von á enn einni lægðinni sem keyrir yfir landið. Í byrjun má gera ráð fyrir slyddu eða snjókomu sem síðan færist yfir í rigningu og ágætum hita. Um kvöldið verður vindur suðvestlægur með skúrum eða slydduéljum og kólnar aftur.
Spá gerð: 27.01.2023 06:30. Gildir til: 28.01.2023 00:00.

• Gul viðvörun  vegna veðurs: Höfuðborgarsvæðið, Suðurland, Faxaflói, Breiðafjörður, Vestfirðir, Strandir og norðurland vestra, Norðurland eystra og Austurland að Glettingi   Meira

Veðuryfirlit
Um 300 km NA af Scoresbysundi er 980 mb lægð sem fer NA. Yfir Nýfundnalandi er 975 mb lægð á NA-leið.
Samantekt gerð: 27.01.2023 07:29.

Veðurhorfur á landinu
Suðvestan- og vestan 15-23 m/s og él, en þurrt að kalla austanlands. Hiti kringum frostmark. Úrkomulítið seinnipartinn og fer að draga úr vindi, en dálítil slydda eða snjókoma vestantil í nótt.

Suðlæg átt, víða 8-15 á morgun. Slydda og síðan rigning, einkum sunnan- og vestanlands. Hlýnandi veður. Suðvestlægari og skúrir síðdegis, en slydduél og kólnar smám saman annað kvöld.
Spá gerð: 27.01.2023 09:34. Gildir til: 29.01.2023 00:00.

Veðurhorfur á höfuðborgarsvæðinu
Suðvestan og vestan 15-20 m/s og él, en úrkomulítið eftir hádegi og dregur úr vindi. Hiti nálægt frostmarki. Sunnan 5-10 og dálítil slydda í nótt. Sunnan 8-13 og rigning á morgun, vestlægari og skúrir síðdegis. Hiti 3 til 7 stig. Slydduél annað kvöld og kólnar.
Spá gerð: 27.01.2023 09:38. Gildir til: 29.01.2023 00:00.

Veðurhorfur á landinu næstu daga
Á sunnudag:
Norðan 8-13 m/s og él. Vestlægari sunnantil á landinu og að mestu þurrt síðdegis. Kólnandi, frost 0 til 5 stig seinnipartinn.

Á mánudag:
Vaxandi austanátt, 15-23 m/s og snjókoma sunnanlands síðdegis, en hægari og úrkomulítið norðan heiða. Frost 0 til 12 stig, kaldast norðanlands.

Á þriðjudag:
Norðaustanátt og él, en lengst af úrkomulítið suðvestantil. Áfram kalt í veðri.

Á miðvikudag:
Norðlæg átt og él á víð og dreif. Talsvert frost.

Á fimmtudag:
Útlit fyrir suðaustanátt með snjókomu og síðar slyddu eða rigningu. Hlýnandi veður.