Björn Skúlason, eiginmaður Höllu Tómasdóttur forseta Íslands, mun ekki þiggja boð Melaniu Trump, forsetafrúar Bandaríkjanna, um að vera viðstaddur athöfn þar sem framtaki hennar, Fostering the Future Together, verður hleypt af stokkunum í Hvíta húsinu 24. til 25. mars.
Í tilkynningu á vef Hvíta hússins segir að Fostering the Future Together sé alþjóðlegt framtak til að tryggja velferð barna í krafti menntunar, nýsköpunar og tækni. Trump kynnti það til sögunnar á meðan allsherjarþing Sameinuðu þjóðanna fór fram í New York í september síðastliðnum. Ríkisútvarpið greindi frá.
Meðal þátttakenda í framtakinu eru makar þjóðarleiðtoga um heim allan.
Í svari skrifstofu forseta Íslands við fyrirspurn fréttastofu ríkisútvarpsins, segir að Björn hafi fengið boð frá forsetafrú Bandaríkjanna á Fostering the Future Together í næsta mánuði. Hann sjái sér ekki fært að þiggja boðið.
Makar leiðtoga að minnsta kosti tveggja annarra Norðurlanda hafa líka afþakkað boð Trumps. Marit Slagsvold, eiginkona Jonasar Gahr Störe forsætisráðherra Noregs, og Suzanne Innes-Stubb, eiginkona Alexanders Stubbs forseta Finnlands.
Við lauslega yfirferð er ekki að sjá að Bo Tengberg, eiginmaður Mette Frederiksen forsætisráðherra Danmerkur, eða Birgitta Ed eiginkona Ulfs Kristersson, forsætisráðherra Svíþjóðar, hafi tekið
