Okkur var sagt í ríkisfréttum að Frostrós frosta sé á leið til Parísar til Macrons Frakklandsforseta á fund “Bandalags hinna viljugu“ sem hefur engan áhuga á friði í Úkraínu og vill halda stríðinu áfram.
Allt er þetta með hreinum ólíkindum. Íslensk stjórnvöld hafa klúðrað samskiptum við Rússland og Bandaríkin; ríkin sem fyrst viðurkenndu sjálfstæði Íslands 1944. Við erum með varnarsamning við Bandaríkin sem tóku yfir hervernd Íslands í júlí 1941, fyrstu afskipti USA þegar stríð var fyrir ströndum og ný Monroe-lína var dregin.
Rússar rufu löndunarbann Breta á íslenskan fisk við útfærsluna úr þremur í fjórar mílur 1952 með því að opna fiskmarkaði. Við hófum að kaupa olíu í gegnum Odessa og rússabíla. Rússar hafa ávallt sýnt íslenskri þjóð sérstakan stuðning, síðast í Hruninu 2008. Lygavaðall Toggu töff og Dísu reykás vegna sendiráðsins í Moskvu verður þjóðinni til ævarandi skammar.
FROSTRÓS & TOGGA ERU SKAÐVALDAR
Frostrós frosta og Togga töff eru að eyðileggja vináttu þessara þjóða nú þegar Evrópa er í stríði við Rússland vegna útþenslu ESB og Nato í Austurvegi. Þessi stefnumótun síðustu tveggja síðustu ríkisstjórna og raunar þingheims alls verður ekki lýst öðru vísi en sturlun. Það er engu líkara en stjórnmálamenn okkar þekki ekki legu Íslands í N-Atlantshafi. Dani dreymir um nýtt Kalmar-samband.
Grænlendingar, næstu nágrannar leita sjálfstæðis; segja skilið við Dani nýlenuherra sína sem hafa komið svívirðilega fram við þá, líkt og þeir komu svívirðilega fram við okkur Íslendinga. Við eigum að miðla Grænlendingum af nýlendureynslu og frelsisgöngu forfeðra okkar.
ORWELLSKA METTE & HERSKÁA DER LEYEN
“Friður er hættulegri en stríð.“ Hin orwellsku ummæli dönsku Mette Frederiksen hafa vakið athygli um allan heim. Það fer ekki á milli mála að Mette ætlar sér í stríð við Rússland og taka Ísland með. Frostrós hefur gert Mette að sérstökum fulltrúa Íslands á evrópskum herfundum án þess að spyrja þjóðina. Það eru landráð. Bandaríkin saka “…þriðja ríki“ um að reyna að spilla friðarferli í Úkraínu.
Þar er líklega átt við Keir Starmer en alveg eins má benda á ESB og þess vegna fraulein Mette í alklæðnaði. Hin herskáa van der Leyen hefur boðað €800Milljarða Evrópuher. Frostrós og Togga ætla að nota tækifærið og svindla Íslandi inn í ESB. Við verðum að stöðva landráð þessara kvenna. Við eigum ekki og höfum aldrei átt samleið með Evrópu frekar en Grænlendingar.
