Vestmannaey VE-54 svipt veiðileyfi – Lögregla kölluð til vegna vigtunarbrots

Tog­ar­inn Vest­manna­ey VE-54 sem dótt­ur­fé­lag Síld­ar­vinnsl­unn­ar, Berg­ur-Hug­inn ehf., ger­ir út hef­ur verið svipt­ur leyfi til veiða í tvær vik­ur fyr­ir vigt­un­ar­brot. Gild­ir ákvörðun Fiski­stofu frá og með 6. janú­ar til og með 19. janú­ar.

Fréttin birtist á vef Mbl.is (gleymdist að geta þess) og þar segir að ,,Fiski­stofa seg­i í ákvörðun sinni veiðileyf­is­svipt­ing­una að „um al­var­leg og meiri­hátt­ar brot skip­stjóra og áhafn­ar­meðlima að ræða fram­in af stór­kost­legu gá­leysi, sem hefði leitt til veru­legs ávinn­ings fyr­ir málsaðila hefðu þau ekki kom­ist upp“. Vegna þessa kveðst Fiski­stofa ekki ástæðu til að áminna eða veita lág­marks­leyf­is­svipt­ingu þrátt fyr­ir að um sé að ræða fyrsta brot.

Í ákvörðun­inni seg­ir Fiski­stofa það hins veg­ar ekki skipta máli þar sem ábyrgðin á því að afli sé vigtaður á herðum skip­stjóra.“

Ók af stað til Dal­vík­ur

Jafnframt kemur fram í frétt Mbl.is að ,,í máls­gögn­um að Fiski­stofu hafi borist ábend­ing frá hafn­ar­verði í Nes­kaupstað að 5. des­em­ber 2023 hafi afla úr Vest­manna­ey verið ekið frá lönd­un­arstað án þess að hafa átt viðkomu á hafn­ar­vog.

Í skýrslu veiðieft­ir­lits­manns Fiski­stofu er haft eft­ir vigt­ar­manni að skipið hafi lagst við bryggju í Nes­kaupstað um klukk­an 19:30 til lönd­un­ar. Tveir lög­gilt­ir vigt­ar­menn hafi staðið að fram­kvæmd vigt­un­ar, einn á pall­vog á bryggju en hinn á bíl­vog. Stýri­maður Vest­manna­eyj­ar ásamt tveim­ur há­set­um ísuðu yfir afla til út­flutn­ings og sinntu lönd­un.

Um hálf ell­efu um kvöldið var vigt­un á meiri­hluta afl­ans lokið og gaf vigt­un­ar­maður­inn á pall­vog fyr­ir­mæli til verk­stjóra lönd­un­ar­geng­is á veg­um Tandra­bergs ehf. að rest­in, 30 kör af ýsu sem átti að flytja til Sam­herja á Dal­vík, yrði öll vigtuð á bíla­vog­inni. Seg­ir hann eng­ar at­huga­semd­ir hafa verið gerðar við það.

Skömmu síðar voru báðir vigt­un­ar­menn við bíla­vog­ina og þegar vigt­un afla í ein­um flutn­inga­bíl var lokið kom fram í spjalli þeirra við bil­stjóra um síðasti bíl­inn sem átti að sækja hin fyrr­nefndu 30 kör af ýsu væri þegar mætt­ur, og að hann væri að taka kör­in sem væru þegar vigtuð að sögn bíl­stjór­ans. Var vigt­ar­manni brugðið og hélt hann um leið niður að bryggju, eng­inn bíl var þó þar og afl­inn far­inn af stað til Dal­vík­ur.

Ákváðu vigt­un­ar­menn að til­kynna málið til lög­reglu sem mætti og hóf leit að bíl­stjóra flutn­inga­bíls­ins með 30 kör af óvigtaðri ýsu, alls 10,6 tonn. Tókst að finna öku­mann­inn sem sagði um mann­leg mis­tök að ræða, gleymska hafi or­sakað að hann ók af stað.

Upp úr miðnætti var flutn­inga­bíll­inn mætt­ur á ný til Nes­kaupstaðar þar sem afl­inn var vigtaður.

Fiski­stofa vís­ar til þess að fyrsta máls­grein ní­undu grein­ar laga um um­gengni um nytja­stofna sjáv­ar seg­ir: „Skip­stjóra fiski­skips er skylt að halda afla um borð í skipi sínu aðgreind­um eft­ir teg­und­um. Verði því ekki komið við vegna smæðar báts skal afli aðgreind­ur eft­ir teg­und­um við lönd­un. Skip­stjóra fiski­skips er skylt að láta vigta hverja teg­und sér­stak­lega. […] Skip­stjóra ber að tryggja að rétt­ar og full­nægj­andi upp­lýs­ing­ar um afl­ann ber­ist til vigt­ar­manns.“

Málsaðili tel­ur hins veg­ar ekki neinn ásetn­ing hafa legið að baki þess að bíl­stjóri á veg­um Eim­skips hafi ekið á brott með rúm tíu tonn af ýsu held­ur hafi verið um mann­leg mis­tök að ræða sem leiddi til þess að bíl­stjór­inn fór ekki á bíl­vog og fékk ekki vigt­un­ar­nótu.“ Segir í frétt Mbl.is