Fjögurra ára drengur slasaðist alvarlega á leið sinni heim úr leikskólanaum s.l. miðvikudag. Eftir aðhlynningu á Landspítala lést drengurinn að morgni mánudags. Áfallateymi voru virkjuð eins og fram kemur í tilkynningu frá leikskólanum. Af tillitsemi við fjölskyldu drengsins hefur nafn hans verið fjarlægt úr textanum:
„Síðastliðinn miðvikudag varð fjögurra ára barn, vinur okkar hér í leikskólanum fyrir alvarlegu slysi á leið sinni heim úr leikskólanum. Þetta slys varð til þess að drengurinn lést á mánudagsmorgun eftir aðhlynningu á Landsspítalanum. Áfallateymi leikskólans og áfallahjálparteymi Hafnarfjarðar hefur verið virkjað. Hugur okkar allra er hjá foreldrum og fjölskyldu og við sendum þeim okkar innilegustu samúðarkveðjur.“
Discussion about this post