Dagana 31. ágúst til 2. september verður haldin IÐNAÐARSÝNINGIN 2023 í Laugardalshöll.
Sýningin verður með stærri sýningum hér á landi en á annað hundrað fyrirtæki kynna vörur og þjónustu. IÐNAÐARSÝNINGIN 2023 er haldin af Ritsýn sf. sem
hefur í 26 ár sérhæft sig í fagsýningum og má þar helstar nefna; sjávarútvegs-, landbúnaðar-, heilsu- og stóreldhúsasýningar.
Samtök Iðnaðarins eru samstarfsaðili sýningarinnar en innan samtakanna eru um 1.400 fyrirtæki er sýnir stærð iðnaðargeirans hér á landi. Á IÐNAÐARSÝNINGUNNI 2023 verður meðal annars lögð áhersla á að kynna mannvirkjagerð, orku, innviði, vistvænar lausnir og hönnun.
Sýningin mun höfða bæði til fagmanna og almennings.
IÐNAÐARSÝNINGIN 2023 verður opin:
Fimmtudaginn 31. ágúst frá kl. 14.00 til 19.00
Föstudaginn 1. september frá kl. 10.00 til 18.00
Laugardaginn 2. september frá kl. 10.00 til 17.00.
