Hugleiðingar veðurfræðings
Dálítill hæðarhryggur þokast austur yfir landið og vindar því almennt hægir, léttskýjað og talsvert frost. Við Hvarf er þó vaxandi lægð, sem nálgast landið. Gengur í suðaustanhvassviðri eða -storm með slyddu eða snjókomu í fyrramálið, en rigningu við sjávarsíðuna og hlýnar nokkuð. Hægari vindar og þurrt að kalla um landið norðaustanvert. Lægir heldur og rofar til annað kvöld, fyrst vestantil. Einnig má vekja athygli á að mikil hálka getur myndast á vegum úti á morgun og eru ökumenn hvattir til að aka eftir aðstæðum. Veðurviðvaranir hafa verið gefnar út.
Næsta lægð nálgast landið á föstudag, og gengur síðan í suðaustanstorm með rigningu og hlýindum, en úrkomulítið á Norður- og Ausutrlandi.
Spáð er áframhaldandi umhelypingum um helgina með hvössum sunnanáttum, talsverðri rigningu, hlýindum og asahlákau og er því fólk hvatt til að hreinsa frá niðurföllum og fráveituskurðum til að fyrirbyggja vatnstjón. Vegna veðurhæðar eru ferðalangar hvattir til aka með gát, einkum ef ökutækin taka á sig vind. Spá gerð: 29.01.2025 16:33. Gildir til: 30.01.2025 00:00.
Veðurhorfur á landinu
Fremur hæg breytileg átt og víða léttskýjað. Frost 2 til 14 stig, kaldast inn til landsins.
Gengur í suðaustan 15-23 m/s í fyrramálið með snjókomu eða slyddu, en rigningu við sjávarsíðuna. Hægara og úrkomulítið um landið norðaustanvert. Hlýnar í veðri, hiti 0 til 5 stig síðdegis. Snýst í mun hægari vestanátt með stöku éljum vestantil annað kvöld og kólnar í veðri.
Spá gerð: 29.01.2025 14:57. Gildir til: 31.01.2025 00:00.
Veðurhorfur á landinu næstu daga
Á föstudag:
Vaxandi sunnan- og suðaustanátt með hlýnandi veðri, 18-25 m/s og rigning undir kvöld, en þurrt að mestu norðaustanlands og hiti 2 til 7 stig.
Á laugardag:
Sunnanhvassviðri eða -stormur og rigning eða slydda með köflum, en bjartviðri norðaustanlands. Hiti 2 til 10 stig, hlýjast á Austurlandi.
Á sunnudag:
Útlit fyrir að gangi í suðaustanstorm eða -rok með talsverðri rigningu og hlýindum, einkum sunnantil.
Á mánudag og þriðjudag:
Ákveðin suðvestanátt með éljagangi, en bjartviðri norðaustantil og kólnandi veður.
Á miðvikudag:
Búast má við stífri sunnanátt með ringingu og hlýnandi veðri.
Spá gerð: 29.01.2025 08:06. Gildir til: 05.02.2025 12:00.
