Umhverfis-, orku- og loftslagsráðuneytið hefur í ár úthlutað rúmlega 51 milljón króna í rekstrarstyrki til 25 frjálsra félagasamtaka sem starfa á málefnasviði ráðuneytisins á grundvelli umsókna. Ráðuneytið hefur veitt frjálsum félagasamtökum sem starfa að umhverfismálum rekstrarstyrki frá árinu 2000.
Markmið styrkjanna er að stuðla að opnum og frjálsum skoðanaskiptum um umhverfis- og auðlindamál og að efla almenna vitund um gildi umhverfismála.
Guðlaugur Þór Þórðarson, umhverfis-, orku- og loftslagsráðherra: „Stjórnvöld leysa fá mál ein og óstudd og frjáls félagasamtök ynna af hendi mikilvægt starf á vettvangi náttúruverndar og umhverfis- og loftslagsmála. Þess vegna er mikilvægt að geta stutt við ötult starf þeirra á þessum vettvangi.“
Umsækjendur rekstrarstyrkja ráðuneytisins þurfa að uppfylla skilyrði sem fram koma í reglum um almenna rekstrarstyrki til frjálsra félagasamtaka sem starfa að umhverfismálum.
