![](https://frettatiminn.is/wp-content/uploads/2014/07/Kristjan-Thorarensen.jpg)
Engar eignir fundust í búi fasteignafélagsins Síðumúli 30 ehf, og ekkert fékkst því upp í tæplega milljarð króna skuldir þess. Kristján S. Thorarensen og Hilmar R. Konráðsson áttu félagið til helminga en þeir hafa ekki skilað ársreikningi fyrir félagið frá árinu 2009.
![](https://frettatiminn.is/wp-content/uploads/2014/07/2.jpg)
Húsgagnaverslunin Heimahúsið ehf. og Heima ehf. hafa verið rekin í Síðumúla 30, undanfarin ár samkvæmt frétt DV í dag, sama fjölskylda stendur að rekstrinum samkvæmt opinberum gögnum.
963 milljóna gjaldþrot
Nafni Heima ehf. var breytt í nafnið GBN 110 ehf.
Reksturinn hét Heima ehf. og varð einnig gjaldþrota og námu lýstar skuldir í þrotabú félagsins, 774 milljónum króna en skuldir voru skv. ársreikningi: 888.412.722 krónur eða rúmlega 888 milljónum króna. Gjaldþrotið endaði með rúmlega 963 milljóna kröfum, hjá þeim sem lýstu sínum kröfum í þrotabúið.
Félagið Síðumúli 30 ehf. var stofnað árið 1975 og hét áður TM húsgögn ehf, eftir samnefndri húsgagnaverslun sem lagðist árið 2006. Í kjölfar þessa snéri rekstur félagsins eingöngu að fasteign þess og var það endurnefnt Síðumúli 30 árið 2008.
,,Búið að „hreinsa“ mest út úr húsgagnaversluninni“
Heima / Heimahúsið: Um er að ræða fjölskyldufyrirtæki og er Klara Thorarensen skráð fyrir 50% eign í Öndvegi-Lifum ehf. sem rekur húsgagnaverslunina Heimahúsið sem er í sama húsnæði, að sögn DV.
Á heimsíðunni kemur fram að um sé að ræða fjölskyldufyrirtæki og skv. gögnum Ríkisskattstjóra, Fyrirtækjaskrá, Ársreikningaskrá og Lögbirtingablaðinu og opinberum gögnum Sýslumanns, kemur fram að stjórnarmenn og/eða hluthafar á kennitölum félaga sem tengjast, séu : Kristján S Thorarensen , Hrönn Thorarensen , Klara Thorarensen og Málfríður Vilhelmsdóttir.
Samkvæmt ársreikningi árið 2010 skuldaði félagið Heima ehf. kt.700987-1409, tæpan milljarð, eða 888.412.722 krónur – „Það var búið að „hreinsa“ mest út úr húsgagnaversluninni, það var frekar lítið til.“ segir skiptastjórinn.
Fréttin hefur verið uppfærð en var fyrst birt 29 júlí, 2014 kl. 19:29.
Umræða