2.8 C
Reykjavik
Föstudagur - 27. janúar 2023
Auglýsing

Upptökur úr öryggismyndavélum á Klaustur sýna aðra atburðarás en þá sem Bára Halldórsdóttir lýsti

Auglýsingspot_img

Nýjar fréttir

Auglýsingspot_img

„Mynd­in sem upp­tök­ur úr ör­ygg­is­mynda­vél­um sýn­ir er allt önn­ur en sú sem Bára Hall­dórs­dótt­ir hef­ur lýst,“ sagði Bergþór Ólason alþing­ismaður um efni úr ör­ygg­is­mynda­vél frá kvöld­inu á Klaustri bar 20. nóv­em­ber sl. í viðtali við Morgunblaðið

„Nú hefur fengist staðfest að mál sem tröllreið lengi fjölmiðlaumræðu eftir að hópur þingmanna var hleraður byggðist allt á lygi og alvarlegu afbroti. Frásögn af atburðarásinni var ósönn og ljóst er að um var að ræða skipulagðan verknað.“ Þetta segir Sigmundur Davíð Gunnlaugsson, formaður Miðflokksins og fv. forsætisráðherra, í grein í Fréttablaðinu í dag.

„Það skýr­ir hvers vegna lög­menn Báru börðust svo hart gegn því að þess­ar upp­tök­ur væru skoðaðar.“ Mynd­efnið þykir benda til þess að fram­ganga Báru hafi verið und­ir­bú­in en ekki fyr­ir til­vilj­un, að sögn Bergþórs.
Upptökurnar úr öryggismyndavélum á Klaustur bar sýna allt aðra atburðarás en þá sem Bára Halldórsdóttir hefur lýst opinberlega frá kvöldinu 20. nóvember þegar að hún tók upp ólöglegt einkasamtal þingmanna sem að ræddu saman á barnum.
Bergþór Ólason

Morgunblaðið birti frétt um málið og samtal við Bergþór Ólason sem var á barnum það kvöld. Bergþór segir að myndefnið bendi til þess að framganga Báru hafi verið undirbúin og vel skipulögð, en ekki fyrir hreina tilviljun eins og hún hafi sagt í öllum yfirlýsingum sínum. Aðeins liðu sex mínútur þar til að hún hóf upptökur sínar af einkasamtölunum.

Hann segir Báru hafa gengið beint til verks.
Upptökurnar sem hafa verið skoðaðar eru frá því klukkan 19:29, þriðjudagskvöldið 20. nóvember. En þá sést Bára sitja í bíl sínum fyrir utan Klaustur bar. Bílljósin sjást slökkna klukkan 19:41 og Bára gengur þá inn á barinn. Þaðan fer hún svo klukkan 23:30, en myndskeiðinu lýkur klukkan 23:52.
Það hafi t.d. ekki getað gefist neinn tími fyrir hana til þess að hafa ofboðið orðbragð þingmannanna eins og hún hefur gefið sem skýringu fyrir upptökunni, áður en hún hóf að hljóðrita samtal þeirra. Enda hóf hún upptökuna nánast um leið og hún settist við borð sitt.
Bergþór nefndi ljós­mynd sem var tek­in inn um glugga Klaust­urs þar sem þing­menn­irn­ir sjást. „Því var haldið fram að hún hefði verið tek­in af ótengd­um aðila og send til fjöl­miðla. Nú kem­ur í ljós að mynd­in er tek­in af Báru sjálfri,“ sagði Bergþór.
Og segir hann að reynt verði að komast að því hvort Bára hafi átt samverkamenn varðandi upptökurnar og að það væri til dæmis ekki eðlilegt ef fjölmiðill hafi skipulagt þessa aðgerð. Bergþór telur að Bára hafa verið með upptökutæki auk símans.