Veiðin.is
,,Við höfum búið við óttann hér of lengi og þess vegna lútum við höfði fyrir Sjálfstæðisframsóknarflokknum”
Ég spyr. Hvað hefur Sjálfstæðisframsóknarflokkurinn nokkurn tímann gert fyrir þessa þjóð? Mafían sem skiptir eignum þjóðarinnar til helminga. Halldór og Davíð skiptu bönkunum á milli sín. Þetta gerðist ekki í gær. Þetta byrjaði strax í upphafi fullveldisins og væntanlega fyrr.
Af hverju eru þetta tradijsónalt stærstu flokkar landsins? Jú af því þeir drottnuðu og deildu og héldu í alla strengi og ólu á ótta svo venjulegur maður þurfti að leggjast á bæn til að fá lífsviðurværi í þessu litla landi. Og halda menn að þetta sé liðin tíð? Ó nei. Bendið mér á einn mann (kvenmann eða karlmann) sem ekki þarf flokksskírteini til að fá vinnu hér í dag? Ég skora á þann mann að stíga fram.
Við höfum búið við óttann hér of lengi og þess vegna lútum við höfði fyrir Sjálfstæðisframsóknarflokknum sem skaffar okkur vinnu og lífsviðurværi á kostnað valdsins sem var stolið.
Og svo þegar XD segir lækkum skatta?
Hvaða skattar hafa verið lækkaðir og hvað gerum við við skattinn? Hvernig stendur á því að heilbrigðis og menntakerfi Íslands er í molum? Af því skattfénu er ekki varið vel. Því er sólundað í vitleysu en aðallega til að viðhalda völdum Sjálfstæðisframsóknaríhaldsins.
Ég segi lækkum jú skatta á venjulegt fólk og hækkum á þá sem hafa notað landið sem tekjuauðlind. Er öllum sama hér um að einhverjir kallar og kellingar hringinn í kringum landið sleppi við að borga rentu af sameiginlegri auðlind þjóðarinnar sem dugar ekki einu sinni fyrir landhelgisgæslu geti bara hent milljörðum af stolnu fé í börnin sín og afkomendur? Er það allt í lagi?
Og svo spyr fólk mig af hverju ég ætla í framboð? Og hvort ég sé ekki krati? Jú ég er krati en ekki vinstribullari sem heldur að það sem brenni mest á þjóðinni sé kynrænt sjálfstæði og vegan grænfæði. Ég er krati og heimta réttlæti. Þess vegna er ég að bjóða mig fram því ég get eytt restinni af ævi minni í að röfla um þetta. Ég bara nenni því ekki.
Ég vil gera eitthvað í þessu. Þess vegna býð ég mig fram og mér alveg sama hvort fólk kýs mig eða ekki. Ég get þó alltaf sagt við sjálfan mig sáttur að ég alla vega reyndi. Meira en margur gerði. That´s it.
Umræða