Ríkisútvarpið greinir frá því að Ed Marondedze, ríkislögmaður Namibíu, segi að stjórnvöld þurfi þrjá mánuði til viðbótar til að ljúka rannsókn á spillingarmáli tengdu Samherjaskjölunum. Þetta kom fram við réttarhöld í gær er Marondedze, krafðist þess að mennirnir sjö sem eru ákærðir í málinu verði áfram í haldi.

Þá segir jafnframt að rannsóknin sé mjög flókin og yfirgripsmikil og að hún væri unnin í samstarfi við yfirvöld í níu löndum, meðal annars á Íslandi og í Noregi. Þinghaldi í málinu sjálfu hafi verið frestað til 4. september. Þetta kemur fram á vef Informante, sjónvarpsstöðvarinnar NBC í Namibíu og The Namibian.

Greint er frá því ,,að namibískum yfirvöldum hefði gengið illa að fá önnur lönd til samstarfs við sig. Ólafur Þór Hauksson, héraðssaksóknari, sagði í samtali við fréttastofu í vikunni að þeim hefðu borist nokkrar réttarbeiðnir frá Namibíu. Þær væru bara í sínum farvegi. Þá hefði hann verið í samskiptum við ríkissaksóknaraembættið í Namibíu.“ Hér er hægt að lesa frétt RÚV í heild sinni.

Samherji fær rjómakaramellu!

https://gamli.frettatiminn.is/samherji-faer-rjomakaramellu/