Sól og logn og vel yfir tuttugu stiga hiti

 
Veðurspá Veðurstofu Íslands fyrir komandi viku er ótrúlega góð miðað við veðurfarið s.l. sumur, en veðurspáin gerir ráð fyrir heiðskíru veðri og logni víðast hvar á landinu. Hitinn á svo að ná hámarki á fimmtudag í næstu viku og gæti hann hugsanlega náð upp í 28 gráður í innsveitum á Suðvesturlandinu.
Veðurhorfur á landinu
Norðlæg átt 3-10 m/s, en 10-15 með austurströndinni. Yfirleitt bjartviðri, en þykknar upp um landið norðaustanvert og fer að rigna, fyrst austast. Dregur úr vindi í nótt. Norðlæg átt 5-10 á morgun. Dálítil rigning norðantil á landinu fram eftir degi, en síðan úrkomulítið, en áfram bjartviðri sunnan- og vestanlands. Hiti frá 4 stigum NA-til, upp í 16 stig á Suðurlandi að deginum. Spá gerð: 08.06.2019 05:09. Gildir til: 09.06.2019 00:00.
Veðurhorfur á landinu næstu daga
Á mánudag (annar í hvítasunnu):
Hæg breytileg átt eða hafgola. Víða léttskýjað og hiti 10 til 18 stig að deginum, en skýjað með köflum A- og SA-lands og svalara í veðri.
Á þriðjudag:
Hæg suðvestlæg eða breytileg átt og víða léttskýjað. Hiti 10 til 20 stig að deginum, hlýjast í innsveitum norðantil.
Á miðvikudag:
Norðlæg átt, 3-8 m/s og víða léttskýjað, hiti 10 til 22 stig og hlýjast S-lands, en svalara við N- og A-ströndina og líkur á þokulofti.
Á fimmtudag:
Norðlæg átt, bjart SV-til, en annars skýjað með köflum og lítilsháttar væta N-lands. Hiti 10 til 22 stig, hlýjast SV-lands, en svalara við A-ströndina.
Á föstudag:
Norðaustlæg átt og víða léttskýjað fyrir norðan, en skýjað með köflum og þurrt að kalla syðra. Hiti 8 til 18 stig, hlýjast á N- og V-landi, en svalast við A-ströndina.
Spá gerð: 08.06.2019 08:43. Gildir til: 15.06.2019 12:00.
Hugleiðingar veðurfræðings
Norðaustlæg átt á landinu nú um helgina. Yfirleitt 5-10 m/s, en hvassara við austurströndina í dag. Áfram léttskýjað víða um land, en þykknar upp norðaustantil á landinu með dálítilli vætu þegar líður á daginn, en þykknar upp á Norðvesturlandi í kvöld með dálítilli vætu þar í nótt. Styttir að mestu upp fyrir norðan þegar líður á morgundaginn, en áfram bjart sunnan- og vestanlands. Hiti verður svipaður og síðustu daga. Á fjallvegum norðaustan- og austanlands má búast við slyddu og jafnvel snjókomu sem getur skapað varhugaverðar aðstæður fyrir ökumenn. Hlýnar í veðri eftir helgi, en enn er óvissa í spám hvernig veðrið muni þróast og hversu hlýtt verður. Spá gerð: 08.06.2019 06:50. Gildir til: 09.06.2019 00:00.