,,Það má teljast til happs að konan er herlæknir og maðurinn hennar kennir köfun í hernum“
Maður sem tjáir sig á lokaðri síðu fyrir aðila í ferðaiðnaði segir farir sínar ekki sléttar:
,,Fyrir stuttu var ég á ferð á Austurlandi með par í nokkra daga prívat ferð og kom upp atvik sem mér finnst eiginlega með ólíkindum. En við vorum að aka vegin að Heinabergslóni er ég tók eftir því sem líktist allra hels manneskju liggjandi á grúfu sirka 200 metra frá veginum.
Það má teljast til happs að konan er herlæknir og maðurinn hennar kennir köfun í hernum.. Við stöðvuðu bílinn og rjúkum í átt að „manneskjunni“ og var það ekki fyrr en við vorum komin mjög nálægt að við sáum að þarna var um brúðu að ræða… Já kanski gott að þetta var ekki manneskja í nauð eða lík sem við vorum að finna þarna og talsverð heppni að ég var með fólk í bílnum sem upplifði þetta ekki sem algert áfall.
Við tókum nokkrar myndir og fórum aftur að bílnum glöð að þarna var ekki um alvöru neyð að ræða en okkur fanst þetta nú frekar lélegur brandari… Eftir að hafa ekið um 100 metrum lengra sáum við lítið skilti sem útskýrði að þetta væri leikmynd… En þá spyr maður hvaða fáviti setur upp skilti talsvert eftir að maður er búinn að rjúka út úr bílnum hlaupandi að hugsanlegum líkfund eða manneskju í neyð??
Ég hafði samband við lögregluna á Höfn og pældi ekkert meira í þessu. Seinna um daginn hitti ég lögreglukonu frá Höfn og þakkaði hún mér fyrir að hafa látið vita og fóru þeir á vettvang og fjarlægðu brúðuna og útskýrði hún fyrir mér alvarleika málsins. Segjum svo að þarna hefðu komið að fólk sem treysti sér ekki til að nálgast „manneskjuna“ nóg til að sjá að þetta væri brúða og hringt í lögreglu. Þá hefði visst ferli farið i gang og erum við að tala um þyrlu sérsveit, björgunarsveitir og meiriháttar aðgerð sem hefði verið sett í gang…
Svo er það annað, segjum svo að ég hafi verið með fólk sem hefðu farið í algert áfall við þennann atburð. Á skiltinu stóð að þetta væri á vegum einhvern fyrirtækis sem ég fann engar upplýsingar um á netinu. En þeir geta vitjað dúkkunar sinnar hjá lögreglunni á Höfn.“
