,,Tíma­bært að selja Íslands­banka'' – Telur ólíklegt að fullt verð fáist

„Nú þegar hag­kerfið kóln­ar er aug­ljós kost­ur að losa um eign­ar­hald rík­is­ins á fjár­mála­fyr­ir­tækj­um og verja fjár­mun­um sem þannig fást í innviðafjár­fest­ing­ar. Með slíku get­ur ríkið styrkt grunnstoðir og komið með inn­spýt­ingu eins og nú er þörf á.“ Þetta seg­ir Bjarni Bene­dikts­son, fjár­málaráðherra og formaður Sjálf­stæðis­flokks­ins, í sam­tali í Morg­un­blaðinu í dag. Þar segir jafnframt að á morg­un hyggst þing­flokk­ur sjálf­stæðismanna hefja funda­her­ferð um allt land, en Bjarni seg­ir mik­il­vægt að heyra sjón­ar­mið fólks­ins í land­inu, nú þegar hag­kerfið er að kólna og at­beina rík­is­ins því þörf á ýms­um sviðum.

Fyrirfram reiknað með að ekki fáist fullt verð fyrir bankann

Þá sé tíma­bært að hefja nú þegar und­ir­bún­ing að sölu Íslands­banka, sem er að fullu í eigu rík­is­ins. Eigið fé bank­ans í dag er um 170 millj­arðar króna. „Miðað við verðmat markaðar­ins á fjár­mála­fyr­ir­tækj­um er ólík­legt að við fengj­um fullt bók­fært verð fyr­ir bank­ann. Það er engu að síður rétt að mínu mati að losa um eign­ar­haldið í skref­um og 25% hlut­ur í bank­an­um er tuga millj­arða króna virði. Þá fjár­muni ætt­um við að nýta til arðbærra fjár­fest­inga í innviðum,“ seg­ir fjár­málaráðherrann í viðtalinu við Moggann.

Landsbankinn verði Samfélagsbanki – ,,Almenningur er orðinn langþreyttur á vaxtaokri og spillingu í bankakerfinu“

https://gamli.frettatiminn.is/landsbankinn-verdi-samfelagsbanki-almenningur-er-ordinn-langthreyttur-a-vaxtaokri-og-spillingu-i-bankakerfinu/