Rigning á Suðvesturlandi, hiti 8 til 16 stig, svalast austast

Hugleiðingar veðurfræðings
Í dag má gera ráð fyrir að fólk á Suðvesturlandi fái að sitja í súpunni, því það mun rigna víða á svæðinu í dag. Annars staðar ætti að sjást til sólar. Hiti á bilinu 9 til 14 stig, en varla mikið yfir 5 stigum austast. Frá og með morgundeginum má búast við hægri breytilegri átt og þurrt víðast hvar. Hiti breytist lítið en einna hlýjast verður suðvestantil á landinu.
Veðurhorfur á landinu
Norðaustan 5-13 m/s, skýjað með köflum og rigning eða súld SV-lands, en styttir upp í kvöld. Hiti 8 til 16 stig, svalast austast.
Veðurhorfur á landinu næstu daga
Á föstudag:
Norðaustan og norðan 5-15 m/s, hvassast í vindstrengjum á Vesturlandi og með austurströndinni. Víða þurrt og bjart veður, en skýjað að mestu austanlands og við norðurströndina. Hiti 8 til 18 stig, hlýjast á Suðurlandi.
Á laugardag:
Norðlæg átt 3-8, en 8-13 austast á landinu. Víða léttskýjað, en skýjað norðaustan- og austanlands og sums staðar dálítil væta. Hiti 6 til 16 stig, hlýjast um landið suðvestanvert.
Á sunnudag:
Hæg breytileg átt eða hafgola. Víða þurrt og bjart veður og hiti 8 til 17 stig, hlýjast suðvestanlands.
Á mánudag og þriðjudag:
Hæg breytileg átt eða hafgola. Bjart að mestu, en skúrir á stöku stað síðdegis. Hiti víða 10 til 15 stig yfir daginn.
Spá gerð: 19.08.2020 09:14. Gildir til: 26.08.2020 12:00.