Fjöldi fólks beið í nístingskulda eftir mat frá Fjölskylduhjálp vegna aðgerðarleysis ríkisstjórnarinnar
Öll stærstu stéttarfélög landsins hafa skorða á ríkisstjórnina að lengja bótatímil atvinnuleysistrygginga sem var skert um sex mánuði, þá hefur Reykjavíkurborg og nú Reykjanesbær einnig skorað á ríkisstjórnina. Krafan er lögð fram vegna þess ástans sem er í þjóðfélaginu en bótatímabilið var framlengt á árunum eftir bankahrunið. Þúsundir íslendinga hafa misst bótarétt sinn og þeim fjölgar í hverjum mánuði og enn hundsar ríkisstjórnin atvinnulausa sem eiga margir ekki möguleika á vinnu og þurfa að betla mat.
Bæjarstjórn Reykjanesbæjar hefur skorað á ríkisstjórnina að lengja tímabil atvinnuleysisbóta tímabundið. Fjöldi fólks beið í nístingskulda eftir mat frá Fjölskylduhjálp Reykjanesbæjar. Rúv greindi frá áskoruninni og þar kemur fram að atvinnuleysi hafi aukist mikið vegna faraldursins og hvergi meira en í Reykjanesbæ, þar sem fimmti hver maður er nú atvinnulaus. „Það eru fleiri þúsund manns og ef fer fram sem horfir þá munu mjög margir lenda í vandræðum,“ segir Kjartan Már Kjartansson, bæjarstjóri Reykjanesbæjar.
Einstaklingum sem þiggja fjárhagsaðstoð til framfærslu frá bænum hefur fjölgað um rúmlega 63 prósent frá síðasta ári. Bæjarstjórn hefur því skorað á ríkisstjórn Íslands að lengja tímabil atvinnuleysisbóta tímabundið „Þó atvinnuleysisbætur séu lágar, þá er fjárhagsaðstoð sveitarfélaga sem bíður þeirra sem að falla út af atvinnuleysisskrá helmingi lægri og er ekki hugsað sem framtíðarúrræði fyrir nokkurn mann eða fjölskyldu að lifa á,“ segir Kjartan.
Bótatímabilið var framlengt á árunum eftir bankahrunið og gæti komið til greina nú
Unnur Sverrisdóttir forstjóri Vinnumálastofnunar sagði að málið væri pólitískt þegar hún var spurð út í það á upplýsingafundi almannvarna. Hún benti á að bótatímabilið hefði verið framlengt á árunum eftir bankahrunið og því gæti slíkt komið til greina nú.
https://gamli.frettatiminn.is/28/11/2020/atvinnulausir-arid-2020-fa-enga-desemberuppbot-nema-uppfylla-throng-skilyrdi/
