Hugleiðingar veðurfræðings
Nú í morgunsárið er djúp lægð, 958 mb, stödd milli Íslands og Færeyja. Lægðin nálgast okkur enn frekar í dag og veldur hvassri norðanátt á landinu ásamt ofankomu sem einkum verður bundin við norðurhelming landsins. Önnur djúp lægð er nú langt suður í hafi, en sú er á leið til norðurs og verður komin fyrir austan land á morgun og viðheldur þar lágum þrýstingi og stífri norðanátt á landinu fram á helgi.
Í dag og á morgun má semsagt búast við stormi í vindstrengjum á norðvestan- og vestanverðu landinu, en minni veðurhæð austantil. Einnig er útlit fyrir talsverða ofankomu á norðurhelmingi landsins og viðbúið að færð spillist á fjallvegum og jafnvel víðar.
Gul viðvörun : Faxaflói, Breiðafjörður, Vestfirðir og Strandir og norðurland vestra
Veðuryfirlit
Skammt NV af Færeyjum er heldur vaxandi 959 mb lægð á hreyfingu NV. 1400 km SSV af Reykjanesi er vaxandi 967 mb lægð, sem hreyfist NA og síðar N á bóginn.
Veðurhorfur á landinu
Norðan og norðaustan 10-18 m/s, en 15-23 með deginum um landið norðvestan- og vestanvert. Úrkomulítið sunnanlands, annars víða slydda eða snjókoma, en rigning austast á landinu. Hiti kringum frostmark, en hiti að 5 stigum með suður- og austurströndinni.
Norðan 5-13 á morgun um landið austanvert, en 15-25 vestantil, hvassast á Vestfjörðum. Rigning eða snjókoma á Norður- og Austurlandi og hiti kringum frostmark. Stórhríð á Vestfjörðum og vægt frost. Þurrt að kalla sunnanlands og hiti að 5 stigum.
Spá gerð: 10.03.2021 05:49. Gildir til: 11.03.2021 00:00.
Veðurhorfur á höfuðborgarsvæðinu
Norðan 10-15 m/s, en lengst af hvassara á Kjalarnesi. Skýjað að mestu og líkur á éljum, en yfirleitt þurrt síðdegis í dag og á morgun. Hiti um og yfir frostmarki. Dregur úr vindi seinnipartinn á morgun.
Spá gerð: 10.03.2021 05:29. Gildir til: 11.03.2021 00:00.
Veðurhorfur á landinu næstu daga
Á fimmtudag:
Norðan 5-13 m/s um landið austanvert, en 15-25 vestantil, hvassast á Vestfjörðum. Rigning eða snjókoma á Norður- og Austurlandi og hiti kringum frostmark. Stórhríð á Vestfjörðum og vægt frost. Þurrt að kalla sunnanlands og hiti að 5 stigum.
Á föstudag:
Norðan 10-18 og snjókoma norðan- og austanlands, en þurrt sunnan heiða. Vægt frost, en frostlaust sunnanlands yfir daginn.
Á laugardag:
Norðan 8-15 og lítilsháttar él, en léttskýjað á sunnanverðu landinu. Frost 1 til 7 stig.
Á sunnudag:
Norðlæg og austlæg átt 3-10. Skýjað með köflum og úrkomulaust að kalla. Áfram kalt í veðri.
Á mánudag:
Vaxandi suðaustanátt og þykknar upp með slyddu eða rigningu síðdegis á sunnan- og vestanverðu landinu. Bjartviðri fyrir norðan og austan. Hlýnandi veður.
Á þriðjudag:
Suðlæg átt með vætu, en þurrt austanlands. Hiti 2 til 7 stig.
