Nú er orðið ljóst að ríkisstjórnarflokkarnir ætla að gera hvað sem er til að halda samstarfinu áfram. Formaður VG hafnar hverju umbótamálinu á eftir öðru til þess eins að geta starfað áfram með Sjálfstæðisflokknum.

Katrín segir stóreignaskatt ekki á dagskrá, í nýju viðtali við Morgunblaðið. Og er ánægð með óbreytt veiðigjöld. En fyrir hvað stendur VG, hvert er erindi þeirra í pólitík, ef þau vilja ekki jafna kjörin í landinu?

Þá opnar hún á að gefa Sjálfstæðisflokknum heilbrigðisráðuneytið í næstu ríkisstjórn.

Ætla VG virkilega að hunsa þjóðarviljann í stóru málunum næstu fjögur árin fyrir nokkra stóla?

Fyrir þau sem vilja raunverulegar umbætur, réttlátara skattkerfi, betri heilbrigðisþjónustu og alvöru aðgerðir í loftslagsmálum er Samfylkingin eini valkosturinn í þessum kosningum.