,,Enn ein falskönnunin frá Maskínu. Hvernig getur Frjálslyndi lýðræðisflokkurinn fengið 0,1 % ef að við erum ekki valkostur? Ok, segjum að einhver 1 einstaklingur skrifi nafnið í rammann þar sem stendur skrifið nafn á öðrum flokki, þyrftu 1000 þúsund manns að svara könnuninni til að fá 0,1%. þessi niðurstaða er tölfræðilega ómöguleg = Fals könnun
Þetta er svo mikið bull að þetta er að verða hlægilegt, en til gamans má geta að yfir endurskoðandi gamla Kaupþings er aðal maðurinn hjá Maskínu. Og við vitum að hann skrifaði uppá allt fyrir Kaupþing ár eftir ár og við vitum hvað gerðist þar!“ Segir Guðmundur Franklín Jónsson um könnun Maskínu.
Hann er jafn óánægður með Maskínu og hann er ánægður með nýja bílinn sem hann og Glúmur Baldvins ætla að keyra á um landið og hefst ferðin í fyrramálið og verða þeir félagar á Akranesi fyrir hádegið á morgun.
,,Það verður frábært að hitta fólk um allt land, okkur hefur verið rosalega vel tekið af fólkinu í landinu. Til dæmis í minni byggðarlögum þar sem búa færri en þúsund manns, hafa tugir sagst ætla að kjósa flokkinn en samkvæmt könnun Maskínu ætti að hámarki aðeins einn í þúsund manna bæjarfélagi að kjósa flokkinn. Það sjá allir sem vilja, hverskonar bull þessar fals kannanir eru.“
