Tilkynning frá aðgerðastjórn á Austurlandi, – COVID-19
Seint í fyrrakvöld greindist smit hjá starfsmanni Umdæmissjúkrahúss Austurlands í Neskaupstað. Strax var hafist handa við að kortleggja þá sem höfðu verið í samskiptum við þann smitaða í samráði við rakningateymið.
Til að gæta fyllstu varúðar var ákveðið að skima alla starfsmenn sem voru í vinnu síðastliðna daga og fór sú skimun fram á Neskaupstað kl. 16 í gær. Um 70 sýni voru tekin sem voru send suður. Niðurstöður koma því ekki fyrr en í kvöld.
Á meðan unnið er að því að skoða mögulega útbreiðslu smits innan sjúkrahússins hefur verið ákveðið í samráði við sóttvarnateymi HSA að takmarka heimsóknir á sjúkrahúsið og hjúkrunarheimilið fram á þriðjudag. Á meðan á því stendur verða heimsóknir aðeins í sérstökum tilfellum og þá metið í samráði við deildarstjóra.
Við hvetjum alla þá sem hafa einkenni sem geta bent til COVID-19, eða þá sem grunar að þeir gætu hafa verið útsettir fyrir smiti, að mæta í sýnatöku á morgun á Egilsstöðum. Þar verður opið í sýnatöku frá 11:30-13:30 og hægt að bóka á heilsuvera.is. Aðgerðastjórn fylgist með gangi mála og sendir út nýja fréttatilkynningu þegar frekari upplýsingar liggja fyrir.
