Morgundagurinn, 29. mars, markar tímamót í sögu Íslenskrar getspár því þá verður fyrsti þriðjudagsútdrátturinn í EuroJackpot. Þessi breyting er afrakstur stefnumótunar þeirra þjóða sem eiga aðild að leiknum með það að markmiði að gera leikinn enn meira spennandi.
Hingað til hefur verið dregið á föstudögum en hér eftir verður dregið tvisvar í viku, á þriðjudögum og föstudögum. Aðrar breytingar sem gerðar hafa verið á leiknum eru að verð á hverri röð lækkar í 300 krónur, stjörnutölum fjölgað úr 10 í 12 og hámarksupphæð fyrsta vinnings fer úr 13 milljörðum í 18 milljarða.
Hægt er að kaupa miða í EuroJackpot á sölustöðum um land allt, í Lottó-appinu og á heimasíðunni lotto.is. Áskrifendur geta bætt þriðjudögum inn í sína reglubundnu áskrift.
Umræða
