Verð á eldsneyti lækkar

Ef skoðuð eru verð á eldsneyti hjá öllum bensínstöðvum á landinu, þá er verðið á bensíni og dísel lægst hjá Costco í dag.

Verðið hefur verið að lækka hratt undanfarið og verð dagsins á bensíni hjá Costco er komið undir 300 krónurnar og er í dag 298,20 og verð á diesel er á svipuðu róli og lægst á landinu þar.

Það er því upplagt fyrir fólk utan að landi og úr 101 og efri byggðum að fara í ferðalag til Garðabæjar og versla ódýrara eldsneyti þar, sem getur munað um 30 krónum á líternum eða um 2000 krónum miðað við tæplega 70 lítra tank. Og skoða í leiðinni allt jóladótið sem er komið í Costco, því það eru jú aðeins 112 dagar til jóla.

Það vekur athygli að ekki er enn búið að láta dyraverðina í Costco vita að fjöldatakmörkunum er lokið í verslunum en þeir eru enn að telja samviskusamlega alla þá viðskiptavini sem koma inn í verslunina og skrá þá hjá sér í tölvu. Það mætti alveg benda þeim á að þeir geti hætt að telja.

En aftur að verði á eldsneyti:

GSMbensín er verðkönnunarþjónusta fyrir bensín- og olíuverð. Upplýsingum um verð olíufélaganna er aflað reglulega og stöðvarnar birtar í hækkandi röð (Costco er ekki í þeirri þjónustu).