Fjórir íslenskir karlmenn á þrítugsaldri voru handteknir af sérsveit Ríkislögrelgustjóra í gær vegna gruns um skipulagningu hryðjuverka. Tveir mannanna voru úrskurðaðir í gæsluvarðhald, annar í viku en hinn í tvær vikur. Þeir eru einnig grunaðir um umfangsmikla vopnaframleiðslu með notkun þrívíddarprentara. Þetta er meðal þess sem fram kom á blaðamannafundi Ríkislögregslustjóra.
Talið er að búið sé að „ná utan um“ það mál sem var til rannsóknar. Því sé ekki talið að hætta steðji að almenningi í landinu. Rannsóknin hefur staðið yfir í nokkrar vikur. Margt bendir til þess að aðgerðir sérsveitarinnar í gær þyldu enga bið. Mennirnir voru handteknir bæði í Holtasmára í Kópavogi og síðan í iðnaðarhúsnæði í Mosfellsbæ í gær.
Árásirnar hefðu mögulega beinst gegn Alþingi
Mennirnir voru grunaðir um að skipuleggja árásir á stofnanir íslenska ríkisins. Ekki hefur verið gefið upp hvaða stofnanir er um að ræða.
https://gamli.frettatiminn.is/22/09/2022/haettuastandi-afstyrt-glaepastarfsemi-og-landrad/
Umræða
