Volodimír Zelenskí forseti Úkraínu hét því í gærkvöld að her landsins myndi brátt endurheimta fleiri svæði í Austur-Úkraínu úr klóm rússneska hersins að því er fram kom á vef mbl.is um málið.
„Undanfarna viku hafa fleiri úkraínskir fánar verið reistir á Donbas-svæðinu. Þeir verða enn fleiri að viku liðinni,“ sagði forsetinn í ávarpi sínu. Ávarpið kom í kjölfar tilkynningar frá Kænugarði, þess efnis að úkraínskt herlið hefði hafið för sína inn í borgina Líman. Varnarmálaráðuneytið birti um leið myndskeið þar sem sjá mátti hermenn flagga gulum og bláum fána Úkraínu í borginni.
Zelenskí gaf Rússum þau skilaboð að þeir yrðu drepnir, einn af öðrum, svo lengi sem Vladimír Pútín héldi áfram um stjórnartaumana í Kremlinni. „Þangað til þið leysið vandann við þann sem hóf þetta allt, þann sem byrjaði þetta fáránlega stríð gegn Úkraínu, þá verðið þið myrtir einn af öðrum.“ Segir í fréttinni.
Umræða
