Fjölmargir íbúar á Stokkseyri og Eyrarbakka mótmæla skerðingu á opnunartíma sundlaugarinnar á Stokkseyri sem fyrirhuguð er í haust. Þeir segja sundlaugina afar mikilvæga fyrir þorpin.
Íbúar á Stokkseyri og Eyrarbakka eru verulega ósáttir við mikla skerðingu á opnunartíma sundlaugarinnar á Stokkseyri. Þeir segja sundlaugina mikilvæga heilsu fólks og nóg komið af að minnka þá litlu þjónustu sem enn er til staðar í þorpunum við ströndina í Árborg.
Nýverið var greint frá því að stytta ætti opnunartíma sundlaugar Stokkseyrar talsvert. Frá 1. september verður laugin aðeins opin þrjá daga í viku og frá 1. nóvember verður henni svo lokað í fjóra mánuði. Nokkuð ljóst er að mikla skerðingu á þjónustu er að ræða
Samkvæmt lögfræðiáliti eru engin lög sem banna sveitarfélögum að mismuna íbúum sínum á grundvelli búsetu – ekki virðist skipta máli að Árborg hefur skilgreint sig sem „Heilsueflandi samfélag“ skv samningi. íbúar eru búnir að koma með breytingartillögur varðandi sparnað – bæjarstjórnin svarar ekki
það sem íbúa á suðurlandi ( ekki bara Stokkseyri ) langar til að gera – er að fá fjölmiðlaumfjöllun um þetta ranglæti og litilsvirðingu sem bitnar á íbúum – umfjöllun sem vekur athygli á valdníðslunni í þessu sveitarfélagiþ Íbúar eru búnir að mótmæla tvisvar með undirskrifasöfnun – bæjarstjórnin svarar ekki.
Dæmi um breytingartillögu sparnaðar frá íbúum – Ef hálftími í styttan opnunartíma á Selfossi sparar 30 milljónir á ári – en algjör lokun á Stokkseyri sparar 20 milljónir á ári – Spurning frá íbúum – Er ekki meiri sparnaður í því að loka í klukkutíma á dag á Selfossi – þá myndu sparast 60 milljónir miðað við 50 milljónir með fyrra fyrirkomulagi – Ekkert svar frá sveitastjórn barst við þessari tillögu
Sundlaug Stokkseyrar er eins og annað heimili margra íbúa á svæðinu – andlega líkamlega og félagslega mikilvæg – og byggð að frumkvæði íbúanna fyrir 30 árum
Mismunur á styttingu opnunartíma sundlaugar á Stokkseyri og sundlaugar á Selfossi – Stokkseyri opnunartími styttur úr 30 tímum á viku niður í 10 tíma á viku og LOKAÐ Í 4 MÁNUÐI FRÁ 1. NÓV TIL 20. FEBRÚAR – Selfoss opnunartími styttur um 3.5 klukkustundir á viku – ENGIN LOKUN. Margir íbúar á Selfossi sækja einnig sundlaug Stokkseyrar heim.
„Ég er bara mjög sár og reið yfir þessu að við skulum þurfa að taka þennan stóra skell. Þetta er eiginlega það eina sem við höfum eftir og mjög sárt að tapa þessu. Bara hræðilegt,“ sagði Valgerður Elfarsdóttir, fastgestur laugarinnar, í samtali við RÚV.
Heilsueflandi samfélag
Sveitarfélagið Árborg gerðist formlega aðili að Heilsueflandi samfélagi þann 20.maí 2019 þegar Gísli Halldór Halldórsson, bæjarstjóri, og Alma D. Möller, landlæknir, undirrituðu samning þess efnis í Íþróttahúsinu Iðu á Selfossi. Þetta kemur fram á vef bæjarfélagsins.
Með heilsueflandi samfélagi skapast vettvangur fyrir markvisst lýðheilsustarf í sveitarfélögum, skólum og vinnustöðum. Meginmarkmiðið er að skapa umhverfi og aðstæður sem stuðla að heilsusamlegum lifnaðarháttum, heilsu og vellíðan allra.
Sveitarfélagið Árborg er 24. sveitarfélagið á Íslandi sem tekur þátt í verkefninu og er markmiðið að heilsueflandi verkefni sem tengjast hreyfingu, geðrækt, næringu og almennra lífsgæða verði í forgrunni í stefnumótun og aðgerðum sveitarfélagsins.
