Opið bréf til barna minna, þar sem þetta er eini vettvangurinn sem ég á möguleika á að koma skilaboðum til ykkar.
Þannig byrjar bréf útilokaðs föður á vefnum DaddyToo sem er vefur feðra sem hafa verið útilokaðir og þeir og börn þeirra beitt ofbeldis tálmunum af mæðrum og gölluðu „barnaverndarkerfi“ á Íslandi. Bréfið er svohljóðandi:
,,Elsku börnin mín – nú hef ég reynt allt – ég get ekki reynt meir. Því miður eru dómar þannig að aðeins sumir þurfa að fara eftir þeim. Sumir kjósa að gera það ekki – og hugsa ekkert um þá sem fyrir barðinu á því verða. En ég hef faðm, ég hef hjarta sem alltaf bíður ykkar elsku börn.
Þið þekkið pabba best … . Á endanum verður mamma ykkar að gefast upp, á endanum sjáið þið í gegnum þvættinginn sem hún hefur viðhaft. Eina sem ég get gert er að bíða. Bíða eftir að þið sjáið líka.
Ég veit að mamma ykkar hefur gert allt til að koma ykkur lengra frá mér … og það er margt, en það sem á að aðskilja okkur mun seinna þegar þið komist að hinu sanna styrkja okkur, og gera okkur á nýjan leik þá góðu frábæru vini sem við vorum. Því þú getur reynt að sprengja flugelda en himininn verður þarna ennþá sama hvað.
,,Þið sjáið að það sem að ykkur er logið í dag, er ekki sannleikur morgundagsins“
Lífið er þannig að það að þú uppskerð eins og þú sáir … á endanum munið þið lesa dóminn sem féll nýverið. Þá hef ég trú á því að þið sjáið að það sem að ykkur er logið í dag er ekki sannleikur morgundagsins. Það er oft þannig að segir þú hlutina nógu oft fer fólk að trúa … það er einmitt það sem verið er að gera við ykkur.
Ég tek ekki illa því sem þið hafið sagt – ég veit að ekkert að því er það sem ykkur býr í brjósti. Eins og þið hafið í raun sagt – ykkur hefur verið sagt hvað þið eigið að segja. Það er ljótt, ekki það sem þið gerið, heldur þvinga ykkur í að segja hluti sem við öll vitum að er ekki satt.
Átta tilkynningum til lögreglu síðar – engri ákæru engri yfirheyrslu sit ég eftir stoltur af minni baráttu – baráttu sem á endanum mun borga sig elsku börnin mín.
Munið elsku börnin mín að ég bíð eftir ykkur, faðmur minn er alltaf opinn
Ég vona að einn daginn, vonandi sem fyrst sjáið þið, að pabbi hefur gert allt – og þá meina ég allt til að brjóta þennan vegg sem mamma ykkar hefur skapað.
Ég hef eytt óteljandi stundum, dögum og kvöldum í að berjast fyrir réttlæti. Það hafa allir séð í gegnum þessa hegðun elsku börnin mín en engin þorir að gera neitt því mömmurétturinn virðist vera óendanlegur.
En nú er komið að ákveðnum tímamótum – nú mun ég bara bíða – bíða eftir ykkur – ég get ekki meir – hef reynt allt. Farið verður með málið fyrir landsrétt en svo er ég hættur – líf mitt verður að halda áfram.
Munið elsku börnin mín að ég bíð eftir ykkur, faðmur minn er alltaf opinn. Ég fylgist með ykkur í öllu sem þið gerið þó ég sé ekki á staðnum. Þið verðið alltaf krakkarnir mínir – Svavarsbörn sama hvað. Verð alltaf stoltur af ykkur, en eins og ég sagði þarf ég að halda áfram.
Þið eruð flottir krakkar sem eigið framtíðina fyrir ykkur og ég veit að í framtíðinni mun ég hitta ykkur aftur, nákvæmlega sama hvað. Það koma tímar það koma ráð, það þarf ekki allt að gerast núna.
Eina sem ég bið um er að þegar þið horfið til baka, hvenær sem þið gerið það – getið þið verið stolt af sjálfum ykkur – stolt af því að vera þið, sjálfstæð, örugg og frábær eins og þið eruð.“
Tálmunarofbeldi í boði barnaverndarkerfisins á Íslandi
Fleiri álíka sögur eru á vefnum DaddyToo en á Íslandi eru rúmlega 15.000 einstaklingar og börn þeirra beitt tálmunarofbeldi í boði barnaverndarkerfisins á Íslandi.
Vilt þú styrkja frjálsan og óháðan fjölmiðil sem þorir og er án ríkisstyrkja? Skráðu þig hér
,,Afleiðingar fyrir börn og foreldra geta verið alvarlegar og langvarandi“
