Guðrún vill alls ekki að Bláa Lónið og HS Orka greiði varnargarða sem kostuðu ellefu milljarða

Fjármálaráðherra vill að HS Orka, Bláa Lónið ofl. greiði varnargarða sem kosta ellefu milljarða króna.

Daði Már Kristófersson, fjármála- og efnahagsráðherra hefur óskað eftir að Héraðsdómur Reykjaness útvegi dómkvadda matsmenn til að meta kostnað ríkissjóðs vegna varnargarðanna. Eðlilegt þyki í ljósi þessa umfangs að skoða hvort rétt sé að þeir aðilar sem tryggt hafa hagsmuni á því svæði sem eldgosahrinan náði til eigi að bera hluta af kostnaði ríkissjóðs vegna þessara aðgerða.

Aðgerðir miðuðu meðal annars að því að gæta hagsmuna aðila á borð við HS Orku hf., HS Veitna hf., Bláa Lónsins Ísland ehf., Eldvarpa ehf., Hraunseturs ehf., Íslenskra Heilsulinda ehf. og Bláa lónsins hf. Þessir aðilar áttu og eiga enn, vegna aðgerðanna sem í var ráðist, afar verðmætar eignir og lausafé við Svartsgengi, og/eða verulega rekstrarhagsmuni tengda slíkum eignum.

Guðrún Hafsateinsdóttir formaður Sjálfstæðisflokksins lýsir furðu sinni á að fyrirtækin eigi að axla ábyrgð vegna kostnaðar við varnargarða og kom með neðangreinda fyrirspurn vegna málsins:

,,Ég spurði fjármálaráðherra einfaldrar spurningar í óundirbúnum fyrirspurnatíma í gær: Ætlar ríkið í alvöru að senda fyrirtækjum á Reykjanesskaga kröfubréf fyrir varnargarðana sem reistir voru til að verja fólk, heimili og innviði fyrir náttúruhamförum?

Ráðherrann segist ekki ætla að rjúfa neina þjóðarsátt, heldur bara að „láta á það reyna” hvort kostnaðurinn endurheimtist að einhverju leyti. En matsbeiðni ríkisins segir svart á hvítu að ríkið telji sig eiga kröfu á hendur fyrirtækjunum um endurgreiðslu kostnaðar. Með öðrum orðum er ríkið að undirbúa mögulegt dómsmál til að fá þessa peninga greidda til baka.

Samfélagssáttmálinn okkar hefur verið skýr. Þegar náttúruhamfarir skella á stöndum við saman. Ríkið verndar fólk og atvinnulíf. Það sendir ekki reikninginn á þá sem hafa þegar hafa búið við eldgos, rýmingar, tekjutap og óvissu. Þá situr eftir ein einföld spurning: Hversu slæm er staðan orðin í ríkisfjármálunum þegar farið er að leita að tekjum með því að senda möguleg kröfubréf á fyrirtæki á hamfarasvæðum vegna almannavarna?“

Fjármálaráðherra vill að HS Orka, Bláa Lónið ofl. greiði varnargarða