Fyrrverandi sambýlismaður hefur stigið fram í viðtali hjá Vísi þar sem hann lýsir grófu andlegu ofbeldi af hálfu fyrrverandi sambýliskonu sem og fjárhagslegu ofbeldi, röngum sakargiftum og ýmsu fleiru gagnvart sér. Jafnframt gagnvart barnsföður sínum, eins og tíðkast í tálmunarmálum.
Finnst barnavernd hafa brugðist allri fjölskyldunni
Fyrrverandi sambýlismaður hennar segir í viðtali við Vísi mikið áhyggjuefni að kerfið hafi ekki gripið fastar í taumana. „Mér finnst kerfið og barnavernd vera að bregðast þeim öllum. Mér finnst þau vera að bregðast föðurnum, börnunum og móðurinni og það er ekki verið að gera henni neinn greiða með því að líta fram hjá því sem er að gerast. Þetta er ekki leiðin til að hjálpa henni. Ef eitthvað er, er þetta leiðin sem mun valda því að þetta mun fara á versta veg,“ segir sambýlismaðurinn fyrrverandi í viðtalinu við Vísi sem er mjög áhugavert og sláandi.
Faðirinn sakaður um mansal og ofbeldi
Landsréttur staðfesti að stúlkur þeirra skuli vistaðar tímabundið í umsjá föður, en ekki móður, í forræðisdeilu sem upphófst eftir að í ljós kom að móðirin hafði logið til um krabbamein. Þá hafði hún sakað föðurinn um að hóta að skjóta börnin og kynferðisofbeldi gagnvart börnunum
Í frétt hjá Vísi segir að ,,samkvæmt gögnum frá Barnavernd hefur konan sakað eiginmann sinn og barnsföður um ofbeldi en engin gögn fært fram til sönnunar þess. Þá sakaði hún föðurinn um að beita börnin kynferðislegu ofbeldi og var því tekin ákvörðun um að senda beiðni í Barnahús. „Móðirin hefur ekki undirritað beiðnina en faðir undirritaði umsóknina samdægurs. Móðir hefur ítrekað sagst vera með undir höndum sannanir fyrir ofbeldi af hálfu föður en hefur ekki getað afhent þau gögn.“ segir í greinargerðinni. Þá heimsótti konan Kvennaathvarfið vegna meints ofbeldis sem enginn fótur virðist vera fyrir.“
Flestar tegundir af því ofbeldi sem móðirin beitti eru mjög vel þekktar og algengar á Íslandi og virðast algengar hjá barnavernd og í kerfinu. Eins og að ljúga upp á föður og dreifa þeim lygum sem víðast, heilaþvo og eitra hug barna og kerfisins gagnvart föður. Saka föður um meinta vanrækslu eða meint ofbeldi og fara jafnvel í Kvennaathvarf til að það líti betur út á pappírum gagnvart kerfinu. Þeir sem beita tálmunarofbeldi, oftast mæður, búa þá til umfangsmikinn blekkinga- og lygavef gagnvart börnum sínum, fjölskyldu og barnaverndarkerfinu sem og dómskerfinu. Í þessu máli virðast öll trixin í bókinni eiga við og rúmlega það.
Málavextir:
Upp úr sambandi foreldranna slitnaði í vor eftir að í ljós kom að móðirin, sem er læknir, hafði logið til um að vera með krabbamein á lokastigi. Hún hafði ávísað lyfjum á sjálfa sig og nákomna og tekið þau sjálf. Undir könnun og meðferð málsins hafi starfsfólk komist að því, um miðjan mars 2025, að frásagnir móður um veikindi hennar og greiningu á krabbameini væru rangar. Upplýsingarnar komu föður í opna skjöldu. Fyrirhugaðri brúðkaupsveislu sem hafi átt að vera í lok mánaðar hafi verið aflýst og þau skilið að skiptum.
Sagði föðurinn ætla að skjóta dæturnar
Upp komst um blekkingar móðurinnar við rannsókn barnaverndar, sem hófst vegna gruns um að faðirinn beitti móðurina andlegu ofbeldi. Móðirin hafði kallað sérsveitina til og fullyrt að faðirinn héldi börnunum í gíslingu og hótaði að skjóta þau. Varð það til þess að faðirinn var handtekinn en móður og dætrum komið fyrir í Kvennaathvarfinu.
Við rannsókn málsins kom svo í ljós að móðirin var ekki með krabbamein, eins og hún hafði fullyrt.
Ásakanir á hendur föðurnum áttu ekki við nein rök að styðjast
Þótt það sé ekki sagt berum orðum í dóminum virðist jafnframt hafa orðið ljóst við rannsóknina að ásakanir hennar á hendur föðurnum áttu ekki við nein rök að styðjast. Föðurnum og stúlkunum hafi þá verið komið „í öruggt skjól“ en svo virðist sem faðirinn hafi þurft að óttast móðurina eða menn á hennar vegum.
Önnur niðurstaða eftir að frekari gögn bárust
Konan leitaði til dómstóla til að reyna að fá úrskurðinn felldan úr gildi. Héraðsdómur Reykjaness tók undir með konunni og felldi úrskurðinn úr gildi. Sagði í úrskurði héraðsdóms að þrátt fyrir að það væri alvarleg háttsemi hjá konunni að ljúga til um krabbamein væri ekki hægt að líta svo á að stúlkunum stafaði ógn af því að dvelja hjá móður sinni.
Barnavernd kærði úrskurðinn til Landsréttar, sem sneri honum við. Fyrir Landsrétti voru enda lögð fram ný gögn frá sálfræðingi á Landspítala um að konan væri ekki talin geta sinnt börnunum.
Eins var lagt fram bréf frá leikskólastjóra stúlknanna þar sem fram kom að starfsmenn hefðu merkt miklar breytingar til hins betra á líðan annarrar stúlkunnar eftir að móðirin fór af heimilinu.
Föður hótað ofbeldi af hálfu móður
Þá voru jafnframt lögð fram gögn sem sýndu fram á að maður sem hefði hótað föðurnum, bæði í sms-skilaboðum og síðar með því að mæta að heimili þeirra, hefði gert það að beiðni móðurinnar.
Tveir menn mættu á heimili fjölskyldunnar 30. apríl 2025 og hafi náðst myndbandsupptaka af þeim á dyrasíma þar sem þeir hafi virst leita að barnsföður. Síðar hafi komið í ljós að hótanir hafi borist frá einstaklingum tengdum móðurinni. Barnsfaðir dvaldi frá 5. maí til 13. júní 2025 af öryggisástæðum í ákveðinni íbúð með stúlkurnar, en hann hafi frá þeim tíma búið með þær á heimili fjölskyldunnar.
Landsréttur hefur staðfest úrskurð umdæmisráðs barnaverndar í Kraganum þess efnis að tvær stúlkur skuli vistaðar „utan heimilis móður“ í allt að fjóra mánuði.
Þolendum tálmunarofbeldis er bent á að kynna sér starfsemi Foreldrajafréttis sem veitir fræðslu og býður upp á ókeypis lögfræðiráðgjöf.
Hafir þú ábendingu um tálmunarmál þá eru ábendingar vel þegnar gegn trúnaði: frettatiminn@frettatiminn.is
Hægt er að horfa á viðtalið á vefnum hjá Vísi með því að smella hér.
Konur beita líkamlegu og andlegu ofbeldi, tálmunum ofl. – Samtök um Karlaathvarf
