Fyrsti vinningur, 4 milljarðar, gekk ekki út að þessu sinni, en fjórir miðaeigendur skiptu með sér 2. vinningi og hlýtur hver þeirra rúmlega 61 milljónir króna.
Miðarnir voru keyptir í Eistlandi, Tékklandi og tveir í Þýskalandi. Sjö voru með 3. vinning og fá þeir rúmar 12 milljónir hver, en miðarnir voru keyptir í Danmörku, Finnlandi, Póllandi og fjórir í Þýskalandi.
Einn var með fjórar réttar Jókertölur í réttri röð og fær fyrir það 100 þúsund krónur, miðinn var keyptur í N1, Húsavík. Heildarfjöldi vinningshafa á Íslandi í þessum útdrætti var 3.344.
