,,Aðeins tveir frjálsir fjölmiðlar á Íslandi og Fréttatíminn er annar þeirra“

,,Fjórflokkurinn og fjórða valdið var eins og veggur á móti mér sem frambjóðanda gegn spillingunni á Íslandi“ 

Rannsakaður meira en Geirfinnsmálið

Guðmundur Franklín Jónsson, sagði að fjórflokkurinn og auðmenn á Íslandi sem stýra stærstu og dýrustu fjölmiðlum á Íslandi, hafi stýrt endanlegri niðurstöðu forsetakosninga á Íslandi. Fólk sé heilaþvegið af þessum fjölmiðlum og „Sjálfstæðisflokkurinn stjórni RÚV og hafi ráðið  sinn mann til þess“ ,,Einar Þorsteinsson, starfsmaður RÚV er frábær og ég treysti honum fullkomnlega til að vera flottur fréttamaður, restin af fréttafólkinu á RÚV, hvað á ég að segja? Guð hjálpi þér“ Þetta eru Rúv og fleiri fjölmiðlar sem stýrðu úrslitum kosninga og meðvitað fólk veit alveg um hvað ég er að tala.“ Sagði Guðmundur Franklín Jónsson.
Ég var rannsakaður meira en Geirfinnsmálið og niðurstaðan er sú að ég er heiðarlegur og þeir fundu ekkert á mig, en allt var reynt. Það mætti rannsaka einkahlutafélagið Dudó ehf. sem hét áður Eliza Reid ehf. nánar með sama hætti, sem er félag í atvinnurekstri og er um forsetafrúna, sem er rekið á Bessastöðum. En það hentar þessum aðilum alls ekki! Hvað varð um frjálsa fjölmiðla? Það eru aðeins tveir frjálsir fjölmiðlar á Íslandi og Fréttatíminn er annar þeirra.“ Sagði Guðmundur Franklín Jónsson í viðtali við Fréttatímann.
,,Fjórflokkurinn og fjórða valdið var eins og veggur á móti mér sem frambjóðanda gegn spillingunni á Íslandi. Ég er mjög ánægður með að hafa opnað augu þúsunda kjósenda á Íslandi fyrir spillingunni og hvernig pólitískir flokkar og auðmenn stjórna hugsun fólks í landinu og athöfnum þess. Það er það sem ég og mínir stuðningsmenn hafa lært af þessum kosningum. Elítan ræður, hverjir lifa og deyja á Íslandi í krafti fjármagns.“ Guðmundur Franklín segist ekki ætla að stofna eigin flokk til þess að hafa áhrif á pólitík á Íslandi en treystir blaðamanni fyrir því í trúnaði, hvernig hann muni beita sér fyrir breytingum á Íslandi og það muni það koma í ljós fyrir næstu kosningar.
https://www.facebook.com/gundifranklin/videos/953546288425096/?v=953546288425096&notif_id=1593595823444679&notif_t=live_video_explicit