3.8 C
Reykjavik
Fimmtudagur - 2. febrúar 2023
Auglýsing

Útiloka ekki dómsmál á hendur ríkinu

Auglýsing

Auglýsing

Nýjar fréttir

Auglýsing

Útiloka ekki dómsmál á hendur ríkinu – „ÖBÍ íhugar næstu skref“

Þuríður Harpa Sigurðardóttir, formaður ÖBÍ, var gestur í þættinum Vikulokin hjá Helga Seljan á Rás 1…

Þuríður Harpa Sigurðardóttir, formaður ÖBÍ, var gestur í þættinum Vikulokin hjá Helga Seljan á Rás 1 í morgun.

„Krónu á móti krónu“ skerðingin er mismunun í skilningi laga, samkvæmt lögfræðilegri álitsgerð sem unnin hefur verið fyrir Öryrkjabandalag Íslands. Formaður ÖBÍ segir að bandalagið íhugi næstu skref og útilokar ekki dómsmál.
Þetta kom fram í þættinum Vikulokunum á Rás 1 í morgun. Þuríður Harpa Sigurðardóttir, formaður ÖBÍ, var þar til viðtals ásamt fleirum. Meðal annars var rætt um „krónu á móti krónu“ skerðinguna sem um árabil hefur verið meðal helstu áherslumála í kjarabaráttu ÖBÍ. Þuríður Harpa ræddi þessa ósanngjörnu skerðingu meðal annars í Opnu bréfi til Bjarna Benediktssonar, fjármála- og efnahagsmálaráðherra, sem birt var í Fréttatímanum og Morgunblaðinu í byrjun vikunnar.
„Afnám skerðingarinnar gerir fólki kleift, og veitir því hvata til að vinna. Það er stórundarlegt að þetta hafi ekki verið afnumið,“ sagði Þuríður Harpa meðal annars í þættinum. Hún benti á að sams konar skerðing hefði verið afnumin hjá eldri borgurum fyrir nokkru síðan. Hins vegar hefðu örorkulífeyrisþegar verið skildir eftir. Hún upplýsti að Öryrkjabandalag Íslands hefur látið vinna lögfræðilega álitsgerð um málið.
„Það var kallað eftir áliti frá lögfræðistofu í vor, hvort þetta væri mismunun,“ sagði Þuríður Harpa. Nú væri álitið komið í hús, „og það kemur berlega fram í álitinu að þetta er mismunun sem stjórnvöld ættu ekki að leyfa sér. Við erum að íhuga næstu skref, hvort við förum í dómsmál eða hvað við gerum. Það er staðreynd að þetta er ekki réttlátt. Það yrði hins vegar mjög réttlátt ef stjórnvöld gerðu eitthvað í þessu núna,“ sagði Þuríður Harpa.
Hún benti jafnframt á í þættinum að það hvernig fólk er metið til örorku eða hvernig greitt er út úr almannatryggingum sé með öllu ótengd þessari óréttlátu skerðingu, enda þótt stjórnvöld vilji tengja þetta saman.
Stjórnmálaflokkar hafa allir lýst því yfir að afnema þurfi „krónu á móti krónu“ skerðinguna, en staðið hefur á efndum. Þá var lagt fram frumvarp á Alþingi í vor um afnám skerðinganna, en það náði ekki fram að ganga. Þetta undrast Þuríður Harpa og segir að þolinmæði örorkulífeyrisþega, sem haldið sé í fátækargildru, sé á þrotum.