2.8 C
Reykjavik
Föstudagur - 27. janúar 2023
Auglýsing

Lögreglan fann mikið magn af ætluðu þýfi

Auglýsingspot_img

Nýjar fréttir

Auglýsingspot_img
Lögreglan á höfuðborgarsvæðinu lagði hald á mikið af ætluðu þýfi í húsnæði í umdæminu um helgina. Húsráðandinn var handtekinn, en grunur leikur á mununum hafi verið stolið í innbrotum í nýbyggingar í Sunnusmára í Kópavogi í síðustu viku.

Um er að ræða verkfæri, vaska, krana, sturtusett o.fl. Rannsókn málsins miðar vel, en nú er unnið að því að koma hlutunum aftur í réttar hendur. Eitthvað af hinum illa fengnu munum kann þegar að hafa verið selt á sölusíðum á netinu, en af því tilefni hvetur lögreglan fólk til árvekni þegar keyptir eru hlutir á sölusíðum á netinu, t.d. að seljandi sýni kvittun fyrir vörunni.

Of oft gerist það að mati lögreglu að þýfi finnst í fórum kaupenda sem bera við að þeir hafi ekki vitað að varan var stolin, vita ekki nafn seljanda, heimilisfang eða annað sem að gagni má koma við rannsókn málsins, en finnst engu að síður sárgrætilegt og ósanngjarnt að varan sé af þeim tekin og komið í vörslu réttmæts eiganda.