Á síðu sem er lokuð á netinu þar sem fólk kemur saman og deilir sögum sínum um ofbeldi sem það hefur orðið fyrir eru margar sögur um óheiðarleika í samböndum. Þeirra á meðal er mjög sláandi saga um mjög óheiðarlegan einstakling sem framdi glæpsamlegt athæfi gagnvart konu. Saga hennar er hér að neðan og minnir okkur rækilega á, að ekki er alltaf hægt að treysta fólki.
,,Er ég með HIV?“
Þegar ég var ung, vitlaus og kærulaus þá svaf ég hjá manni, án smokks. Nema hvað eftir hann er búinn að fá það inn í mig þá sagði hann „úpps ætlaði ekki að fá það… er með HIV“!!!!!
Ég var augljóslega í sjokki en hann sagði að hann væri að taka lyf sem minnkaði líkurnar að ég myndi smitast, og ef ég myndi smitast þá væri það vægara afbrigði; já svo vægt að ég myndi varla finna fyrir því… Annars væri líka pilla sem hægt er að taka til að minnka líkur á smiti. Ég sagði honum að vinsamlegast kaupa svona pillu fyrir mig. Hann neitaði því, vegna þess að hann átti ekki fyrir því!!! Ég hefði auðvitað átt að kaupa sjálf svona pillu eða hóta því að HRINGJA Í FOKKING LÖGGUNA en var blönk og bara fattaði ekki alveg hvað þetta væri alvarlegt.
Ég var búin að blokka út þessa minningu. Mundi eftir þessu þegar fokking andlitið hans birtist í fréttunum. Er búin að fara í HIV próf en það er alltaf neikvætt. En málið er að það kemur ekki á prófum ef maður smitast eftir manneskju á lyfjakúr, vegna þess að veiran er í of litlu magni til að mælast.
Ég HATA þennan mann svo FOKKING MIKIÐ! Myndi DREPA HANN ef ég fengi tækifæri til þess! Væri búin að kæra ef ég skammaðist mín ekki svona mikið! Þetta mál er að taka alltof mikið pláss í huganum mínum og ég meika það ekki lengur!
Ég er að skrifa þennan póst vegna þess að ég þarf hjálp. Mig langar að eignast börn en vil ekki að þau smitist. En fyrst og fremst þá hlýtur að vera einhver leið til að finna út úr því hvort ég sé með HIV! Er einhver læknir á Íslandi sem sérhæfir sig í HIV- og getur hjálpað fólki eins og mér?“
Discussion about this post