Nærri þriðjungur breskra fyrirtækja hafa undirbúið flutninga frá Bretlandi ef Brexit verður án samnings. Þetta kemur fram í niðurstöðum könnunar sem gerð var fyrir Stofnun stjórnenda (e. Institute of Directors). 29 prósent 1.200 þátttakenda í könnuninni telja að Brexit hafi í för með sér talsverða áhættu fyrir starfsemi þeirra í Bretlandi. Vegna þess hafa fyrirtækin flutt hluta starfsemi sinnar frá Bretlandi eða ætla að gera það.
