Handtekinn vegna heimilisofbeldis og barnarverndarnefnd ofl. kölluð til fyrir þolanda og börn

Helstu fréttir úr dagbók lögreglu aðfaranótt þriðjudagsins 2. apríl voru eftirfarandi:
Akstur manns á fertugsaldri var stöðvaður í Kópavogi um klukkan hálf níu. Maðurinn er grunaður um akstur undir áhrifum fíkniefna. Lögregla færði manninn á stöð til blóðsýnatöku og var hann laus að henni lokinni.
Ölvaður maður var til trafala í hóteli miðborginni, milli klukkan níu  og tíu. Lögregla gaf honum ítrekuð tækifæri til þess að láta af dólgslátunum og koma sér í burt. Maðurinn tók ekki sönsum og endaði á að gista í fangageymslu.
Um klukkan tíu kom lögregla að vettvangi heimilisofbeldis í Austurborginni. Þar var ætlaður gerandi handtekinn í þágu rannsóknar málsins auk þess sem lögregla kallaði til barnarverndarnefnd og starsmann félagsþjónustu fyrir þolanda og börn, til halds og trausts.
Rétt fyrir klukkan ellefu mun ölvaður maður hafa ráðist á starfsmann vínveitingahúss í Hafnarfirði. Maðurinn hafði verið gestur staðarins og brást ókvæða við afskiptum starfsmannsins. Lögregla fór að vettvangi og var maðurinn handtekinn í kjölfarið.  Að vettvangsrannsókn lokinni var ákveðið að maðurinn skyldi vistaður í fangageymslu í þágu rannsóknar málsins. Hann verður yfirheyrður með morgninum.
Stuttu fyrir miðnætti var tilkynnt um að bifreið hafði verið ekið á ljósastaur í Norðlingaholti. Engin slys voru á fólki og afgreiddi lögregla vettvangsvinnu.
Laust uppúr miðnætti féll ungur maður yfirliði inn á veitingastað í miðborginni. Lögregla fór ásamt sjúkraflutningamönnum á vettvang manninum til aðstoðar.
Lögregla hafði afskipti af ölvuðum manni í Breiðholti um klukkan þrjú í nótt. En hann átti erfitt með að fóta sig vegna ölvunarástands. Honum var ekið áliðis heim til sín.