Starfsfólki með skerta starfsgetu, sem starfar á Múlalundi, hefur verið gert að halda út á hinn almenna vinnumarkað. Breytingar verða á rekstrinum; ríkið hættir að veita fjármagni til Múlalundar og ef rekstur á að geta haldið áfram í einhverri mynd verður framleiðslan og verslunin því að standa undir sér.
Þetta hefur ekki verið stefnan áður – þótt framleiðsla á Múlalundi sé blómleg var vinnustofunni alltaf ætlað að skapa störf fyrir fólk með skerta starfsgetu og ríkið veitti fé til rekstursins. Segir í frétt ríkisútvarpsins sem fjallaði ítarlega um málið.
Starfsfólk Múlalundar lýsti því í fréttum í síðustu viku að það væri uggandi og sorgmætt yfir stöðunni – sumir vilja alls ekki fara út á almennan vinnumarkað og einhverjir sögðust ekki tilbúnir til þess enn sem komið er.
Umræða
