Afskipti voru höfð af ökumanni bifreiðar við Breiðholtsbraut, rétt fyrir klukkan tíu í gærkvöld. Ökumaðurinn hafði misst stjórn á bifreiðinni sem hafnaði utan vegar. Ökumaðurinn var handtekinn þar sem hann var talinn vera undir áhrifum lyfja. Læknir kom svo á lögreglustöðina og mat ökumanninn óhæfan til akstur bifreiðar. Maðurinn var látinn laus að lokinni læknisskoðun.
Tilkynnt var um flugeldaslys seint í gærkvöld í austurbænum en 16 ára drengur meiddist á hendi og var skrámaður í andliti. Drengurinn var fluttur með sjúkrabifreið á Bráðadeild.
Þá var bifreið stöðvuð í miðborginni eftir að hafa verið ekið yfir gatnamót gegn rauðu ljósi. Ökumaðurinn hafði ekki ökuljós tendruð og var án réttinda þ.e. hefur aldrei öðlast ökuréttindi
Klukkan 17:23 var tilkynnt um umferðaróhapp í Hafnarfirði. Bifreið hafði verið ekið á ljósastaur og síðan af vettvangi. Stuttu síðar náðist í ökumanninn og taldi hann staurinn ekki hafa skemmst en staurinn er töluvert skemmdur. Skömmu síðar var tilkynnt um umferðaróhapp á Reykjanesbraut við Kaldárselsveg. Ökumaður missti stjórn á bifreið sinni sökum hálku / snjókomu og ók á ljósataur. Engin meiðsl en bifreiðin var óökufær eftir óhappið.
Réttt fyrir hálf ellefu í gærkvöld var tilkynnt um innbrotstilraun / skemmdarverk í geymslur íbúða fjölbýlishús í Hafnarfirði en þar var einnig búið að stela reiðhjólum úr hjólageymslu.
þá voru fleiri umferðaróhöpp í hálkunni og ökumenn stöðvaðir vegna vímuaksturs.