Forréttindahópar eru jafnari en aðrir þegar jafnréttið er annars vegar
Lögreglan er vanfjármögnuð, við vitum það öll, en þegar kemur að því að flokka mál í forgang, þá er eins og að konur séu þar fremstar í forgangs flokki og njóti sérstakra forréttinda hjá lögreglunni. Sumir hópar eru nefnilega rétthærri, þegar þetta svokallaða jafnrétti er annars vegar og það þekkja lögmenn vel og þeim blöskrar forréttindi kvenna hjá lögreglunni sem lenda efst í verkefnabunka lögreglunnar.
T.d. lenti vinur minn í því að f.v. kona hans laug upp á hann röngum ásökunum um meinta og „væga“ kynferðislega áreitni (engin kynmök, ofbeldi eða slíkt, bara hreinn uppspuni), sem átti sér ekki stað í raunheimum heldur aðeins í helsjúkum kolli viðkomandi einstaklings, sem hefur stundað það að ásaka menn um allt og ekkert. Lögreglan hefur alltaf skoðað allar kærurnar frá konunni og rannsakað þær, sem er gott mál. En þær hafa alltaf verið felldar niður, hver einasta, enda rangar og ósannar og á hendur fleiri en einum manni og hún er fræg fyrir það.
Mál konunnar afgreitt á klukkustund
Þessi sama kona, kom með enn eina slíka kæru til viðbótar til lögreglu sem brást við málinu á sömu klukkustund og kæran barst, og boðaði vin minn í yfirheyrslu á sömu klukkustund, og sama dag, með símtali beint frá séstakri deild sem annast um slíkar kærur.
Þegar vinur minn hafði áttað sig á þessari tilefnislausu kæru, kærði hann konuna fyrir alvarlegar líkamsárásir sem töldu á annan tug af blaðsíðum um mjög alvarlegt ofbeldi af hálfu konunnar, af öllum gerðum sem til eru og jafnframt fyrir rangar sakargiftir.
Þá útskýrði hann í stuttu máli fyrir lögreglunni í kærumóttöku, í einn og hálfan tíma um allt ofbeldi konunnar yfir langt tímabil, sem var graf alvarlegt ofbeldi og mjög gróft.
Hálfum mánuði síðar ákvað hann að athuga hvar málið væri statt. Hringdi í sömu rannsóknardeildina og hafði hringt í hann. Sem hann hafði dáðst að fyrir að hafa afgreitt mál konunnar hratt og örugglega á einni klukkustund frá því að hin ósanna kæra barst deildinni.
Svarið kom honum verulega á óvart og var bara hreint út sagt áfall. Stutta sagan er sú að það var ekki neitt búið að gera í málinu, ekkert. Hann fékk langar útskýringar á því að þetta mál myndi taka mjög langan tíma í kerfinu og viðkomandi lögreglumaður vissi ekkert hvernær haft yrði samband við konuna eða hvernær eða hvort hún yrði boðuð í yfirheyrslu. Þá væri að auki ekki búið að afhenda neinum málið til rannsóknar og ekkert vitað hvernær eða hvort það yrði og að málið myndi taka mjög langan tíma í kerfinu og ekkert hægt að segja til um eitt né neitt varðandi þetta graf alvarlega mál.
Niðurstaða vinar míns er sú að sumir forréttindahópar eru jafnari en aðrir þegar jafnréttið er annars vegar, alla vega hjá lögreglunni á Íslandi.
