Efstu tíu á framboðslista M-lista og Sjálfstæðra í Svf. Árborg ásamt þeim tveim sem skipa heiðurssæti listans voru kynnt á aðalfundi Árnesingadeildar Miðflokksins nú seinni partinn í dag. Tómas Ellert Tómasson, formaður bæjarráðs og Ari Már Ólafsson munu leiða listann.
Undanfarin fjögur ár hefur Svf. Árborg tekið algerum stakkaskiptum. Hugmyndirnar sem settar voru á blað og áætlanirnar sem gerðar voru í upphafi þessa kjörtímabils og unnið var eftir undir vinnuheitinu „Nýtt upphaf í Árborg“ hafa nú risið og raungerst hver af annarri. Um allt land er eftir því tekið hve vel hefur lukkast. Umframeftirspurn eftir húsnæði og hin fordæmalausa íbúafjölgun í sveitarfélaginu segir sína sögu um hve eftirsóknarvert það er að búa hér.
Umskiptin sem eiga sér nú stað, úr fábreytni í fjölbreytni á öllum sviðum mannlífsins hafa bætt búsetuskilyrðin hér svo um munar. Framboðslisti M-lista og Sjálfstæðra í Svf. Árborg mun halda áfram að vinna að því að sveitarfélagið verði eftirsóknarverður búsetukostur. Nú undir vinnuheitinu „Nýja Árborg“.
Á næstu vikum mun framboðið kynna þær áætlanir og hugmyndir sem tengjast hinni „Nýju Árborg“.
Efstu 10 sæti listans skipa:
- Tómas Ellert Tómasson, Byggingarverkfræðingur, formaður bæjarráðs og eigna- og veitunefndar
- Ari Már Ólafsson, Húsasmíðameistari, nefndarmaður í skipulags- og byggingarnefnd
- Sigurður Ágúst Hreggviðsson, Sölumaður og fyrrverandi varabæjarfulltrúi í Svf. Árborg
- Erling Magnússon, Lögfræðingur og húsasmíðameistari
- Dr. Ragnar Anthony Antonsson, Dr. Í heimspeki, kennari
- Dýrleif Júlía Guðlaugsdóttir, Líftæknifræðingur og dagforeldri
- Sveinbjörn Jóhannsson, Húsasmíðameistari
- Björgvin Smári Guðmundsson, Grunnskóla- og skákkennari og fyrrv. formaður Skákfélags Selfoss og nágrennis
- Sverrir Ágústsson, Félagsliði á réttargeðdeild LSH
- Jón Ragnar Ólafsson, Atvinnubílstjóri og íþróttaáhugamaður
Heiðurssætin skipa
Ásdís Ágústsdóttir, Húsmóðir
Guðmundur Kristinn Jónsson, Heiðursformaður HSK og fyrrverandi bæjarfulltrúi
Tómas Ellert Tómasson, oddviti framboðslistans – s. 853 8358 tomas.ellert@arborg.is
Fréttatilkynning frá M-lista og Sjálfstæðum í Svf. Árborg vegna sveitarstjórnarkosninganna 2022
