Hugleiðingar veðurfræðings
Djúp lægð norðaustur af landinu beinir nú til okkar kaldri norðlægri átt. Fyrri part dags verður vindur þó yfirleitt ekki hvass og úrkoma hvergi mikil, en síðdegis fer veður ört versnandi á Norður- og Austurlandi. Í kvöld má búast við norðvestan hvassviðri eða stormi á þeim slóðum með slyddu eða snjókomu.
Næstu daga er svo útlit fyrir norðan óveður á landinu með kalsa úrkomu norðan- og austanlands, ýmist rigningu, slyddu eða snjókomu, en lengst af úrkomulítið sunnantil. Samkvæmt nýjustu spám mun veðrið standa linnulítið fram á aðfaranótt föstudags, en skánar þá talsvert gangi spár eftir.
Gefnar hafa verið út viðvaranir og þeir sem eiga eitthvað undir veðri eru hvattir til að kynna sér þær og fylgjast vel með veðurspám og veðurathugunum.
Spá gerð: 03.06.2024 06:24. Gildir til: 04.06.2024 00:00.
Appelsínugul viðvörun vegna veðurs: Norðurland eystra, Austurland að Glettingi, Austfirðir, Suðausturland, Miðhálendi og Strandir og norðurland vestra
Veðurhorfur á landinu
Norðvestan og norðan 8-15 m/s og skúrir eða él, en yfirleitt þurrt sunnan- og vestantil. Hiti 2 til 10 stig, mildast syðst. Hvessir síðdegis og bætir í úrkomu, norðvestan hvassviðri eða stormur á Norður- og Austurlandi í kvöld með slyddu eða snjókomu. Kólnandi veður.
Norðan og norðvestan 15-23 á morgun. Slydda eða rigning nærri sjávarmáli á Norður- og Austurlandi, annars snjókoma. Hiti 0 til 4 stig. Úrkomulítið sunnantil og við vesturströndina með hita að 9 stigum yfir daginn.
Spá gerð: 03.06.2024 04:40. Gildir til: 04.06.2024 00:00.
Veðurhorfur á landinu næstu daga
Á miðvikudag:
Norðvestan og norðan 13-20 m/s, hvassast suðaustantil. Víða slydda eða snjókoma, en rigning nærri sjávarmáli og úrkomulítið sunnanlands. Hiti 0 til 9 stig, mildast suðaustanlands.
Á fimmtudag:
Norðvestan og norðan 15-23, hvassast norðvestanlands. Úrkomulítið sunnantil, annars slydda, rigning eða snjókoma. Mikil úrkoma á Norðurlandi. Hiti breytist lítið.
Á föstudag:
Norðan 8-15 og skúrir eða él, en þurrt um landið suðvestanvert. Hiti 3 til 12 stig, mildast syðst
Á laugardag:
Norðvestlæg átt og rigning eða slydda með köflum, en þurrt á Suður- og Vesturlandi fram eftir degi. Hiti 2 til 12 stig, mildast vestanlands.
Á sunnudag:
Útlit fyrir breytilega átt og víða bjartviðri. Hlýnar í veðri.
Spá gerð: 03.06.2024 08:21. Gildir til: 10.06.2024 12:00.
