Líklega búið að skjóta refinn sem réðist á 10 mánaða barn í barnavagni

Á nýársdag lá Sands sem er aðeins tíu mánaða, í vagninum sínum rétt utan við heimili sitt í Alta og svaf þar vært, þegar faðir hans og móðir heyrðu skyndilega skrýtið hljóð frá barnavagninum. Þegar Bjørn Milliam Angell, faðir barnsins, kom út sá hann að refur stóð upp á vagninum með trýnið inn í honum þar sem að sonur hans lá. 

Hann tók upp blómapott og reyndi að ýta honum í burtu, en refurinn hélt bara áfram árás sinni á barnið. Þá öskraði faðirinn mjög hátt og reyndi að hræða dýrið, en refurinn varð bara enn árásargjarnari. Að lokum náði faðirinn að grípa í vagninn og draga hann upp stéttina á húsinu og kom honum inn í húsið og skellti útidyrahurðinni á eftir sér. Refurinn lá þá á glugganum og í vígarhug. ,,Ef ég hefði komið seinna gæti þetta kannski hafa farið mjög illa. Ég get ekki afborið að hugsa um hvað gæti hafa gerst, segir hann.”

Foreldrarnir fóru svo með drenginn á bráðamóttöku til skoðunnar, þar sem að það var staðfest að barnið hefði verið bitið og klórað af refnum. Lögreglan á svæðinu leitar nú að refnum til þess að reyna að skjóta hann, haldi hann sig enn í byggð.

Nú lítur út fyrir að refurinn hafi náðst, það var Harald Mikkelsen sem að skaut refinn í dag en hann var á ferð í hverfinu, rétt hjá, þar sem að árásin á barnið varð á nýársdag. Líklegt er talið að um sama ref sé um að ræða og réðist á barnið.

https://www.fti.is/2019/01/01/refur-redist-a-10-manada-barn-i-barnavagni/