,,Á meðan er fólk sem lifir í allsnægtum og hefur aðallega áhyggjur af því hvort það þurfi að fresta skíðaferðinni út af faraldrinum“
Eftir mjög sláandi umfjöllun um sárafátækt á Íslandi í fréttaskýringarþættinum Kveik í gær, lék ritstjórn Fréttatímans forvitni á að lesa um persónulega upplifun helstu stjórnmálaleiðtoga landsins á því sem kom fram í þessum vandaða þætti. Þar sem var talað við fólk í fullri vinnu á Íslandi, sem átti ekki fyrir mat né læknisþjónustu. Einnig var rætt við þá sem hljóta aðstoðar félagslega kerfisins sem voru í enn verri stöðu. Eftir nokkra leit af skrifum um upplifun ráðamanna Íslands á þessum hörmungum, fannst ekki stafkrókur um þáttinn hjá neinum þeirra.
Það er greinilega of langt í kosningar til þess að taki því að vera að eyða áhyggjum í svanga og blanka þegna landsins og þúsundir barna sem búa við sárafátækt. Enda kannski frekar ólíklegt að atkvæði þeirra rati til ráðandi afla á Alþingi í dag. Hverju sem því líður, kaus enginn af landsfeðrum Íslands að tjá sig um málefnið sem er þó mun brýnna en allt það sem þessum umboðsmönnum okkar var efst í huga miðað við þau hugarefni sem þeim þótti vert að vekja athygli á, svona út á við.
Drífa Snædal virðist vera sú eina sem hefur tjáð sig um þennan sláandi þátt um sárafátækt þúsunda Íslendinga og barna en hún segir:
,,Takk Kveikur fyrir góðan þátt í kvöld. Það er stór breyting að fólk sem lifir við fátækt neitar að skammast sín og krefst þeirrar lágmarksvirðingar að geta framfleytt sér og veitt börnunum sínum gott líf. Veikindi og örorka er ávísun á fátækt hér á landi og jafnvel fólk sem vinnur fulla vinnu getur ekki lifað með reisn. Að halda fólki í fátækt er hættulegt fyrir einstaklinga og hættulegt fyrir samfélög.
Á meðan er fólk sem lifir í allsnægtum og hefur aðallega áhyggjur af því hvort það þurfi að fresta skíðaferðinni út af faraldrinum. Það er vitlaust gefið en við höfum tækin til að breyta. Þau heita skattkerfi, auðlindagjöld og velferðarkerfi. Við þurfum að beita þeim kerfum miklu markvissari til að jafna stöðuna og ekki síst að tryggja að enginn lifi við fátækt í okkar ríka landi.“ Sagði Drífa Snædal um þáttinn sem sumir kjósa að þegja um.
Fær 250.000 kr. útborgað og borgar 240.000 kr. í leigu – Með 30 ára starfsreynslu
https://gamli.frettatiminn.is/faer-250-000-kr-utborgad-og-borgar-240-000-kr-i-leigu-med-30-ara-starfsreynslu/?fbclid=IwAR1XzL6h1LizWFaif-6FGuHr7TkdOO_aUlR-wNS6qc-cKrpU_tE4AIwRvrg