Vegna hugsanlegra eldsumbrota á Reykjanesskaga og af öryggisástæðum vegna þyrluflugs og annarra starfa viðbragðs- og vísindamanna, lagði Lögreglustjórinn á Suðurnesjum, fyrir hönd Samgöngustofu í gær bann við flugi dróna á svæðinu sem markaðist af Reykjanesbraut, Grindavíkurvegi, Krísuvíkurleið og Suðurstrandavegi.
Þessu banni verður aflétt klukkan 19:00 í kvöld (4. mars 2021) þegar könnunarflugi almannavarnardeildar ríkislögreglustjóra lýkur. Ef til eldsumbrota kæmi á næstu dögum, vikum eða mánuðum sem krefðist lokunar á ný mun tilkynning verða send.
Í gær var einnig ákveðið að fréttamenn þyrftu að vera í fylgd björgunarsveitar til að fara inn fyrir lokanir á Keilisvegi, vegur frá Reykjanesbraut að Höskuldarvöllum.
Þessum lokunum hefur verið aflétt. Við vekjum þó athygli á þeim lokunum sem Vegagerðin er með á þessum slóðum. Frekari upplýsingar veitir Lögreglustjórinn á Suðurnesjum.
Discussion about this post