Ríkisstjórnin „er búin að vera“ hverfi Katrín á braut segir Inga Sæland, formaður Flokks fólksins og segir jafnframt að ákvörðun forsætisráðherra komi sér ekki á óvart, í viðtali við ríkisútvarpið.
„Þetta hefur legið í farvatninu lengi. Katrín er ekki enn búin að segja nei, þannig að ég býst við því að það sé að gerast og sé það, bæði á fundi ríkisstjórnar í dag og öllu því sem undan er gengið að hún er virkilega alvarlega að hugsa um að stíga fram,“ segir Inga.
Telur að ríkisstjórnarsamstarfið springi við brotthvarf Katrínar
„Mér hefur nú ekki þótt þessi ríkisstjórn ríða feitum hesti upp á síðkastið, þannig ég býst nú ekki við því að hún eigi eftir að eiga betri daga eftir að einstaklingurinn, sem ég tel að sé límið í þessari ríkisstjórn, ef hún stígur á braut, nei, þá held ég að hún sé bara búin að vera.“ Segir Inga Sæland.
Umræða