8.8 C
Reykjavik
Sunnudagur - 5. febrúar 2023
Auglýsing

Fyrsta sjálfstýrða bifreiðin á Íslandi

Auglýsing

Auglýsing

Nýjar fréttir

Auglýsing

Fyrsta sjálfstýrða bifreiðin á Íslandi var til sýnis og reynslu á ráðstefnunni Snjallborgin Reykjavík, sem fram fer í Hörpu í gær. Bifreiðinni var ekið stutta leið í kringum Hörpu.

Bifreiðin er rafknúin og kemst allt að 100 kílómetra á hverri hleðslu og er hámarkshraði ríflega 40 km á klukkustund. Eins og nafnið gefur til kynna er enginn undir stýri, þar sem ekkert er stýrið, en bifreiðin er forrituð fyrir ákveðna leið og skynja leysigeislar umhverfi bílsins.

Bifreiðin er frá danska fyrirtækinu Autonomous Mobility og kemur hingað til lands á vegum bifreiðaumboðsins Heklu, en danska fyrirtækið Semler Group á eignarhlut í báðum fyrirtækjum.
,,Það er afar ánægjulegt að fyrsta sjálfkeyrandi bifreiðin hafi verið prófuð hér á Snjallborgarráðstefnunni þar sem verið er að ræða framtíð Reykjavíkur og hvaða nýjungar eru framundan í innviðum og þjónustu borgarinnar. Tæknin er komin mjög langt. Þetta snýst fyrst og fremst um vakningu varðandi innviði og lög og reglugerðir sem snúa að sjálfkeyrandi bílum þannig að við verðum tilbúin fyrir þessa sjálfstýrðu framtíð sem er handan við hornið,“ segir Kristinn Jón Ólafsson, verkefanstjóri Snjallborgar hjá Reykjavík.