Sigmundur Davíð Gunnlaugsson formaður Miðflokksins sakar fréttamann Ríkisútvarpsins, Ævar Örn Jósepsson, um að misnota aðstöðu sína til þess að koma á sig og konu sína höggi opinberlega. Sigmundur Davíð telur það augljóst að Ævar Örn Jósepsson sé að vinna að pólitískri aðför gegn sér í þágu dóttur sinnar, Þórhildar Sunnu Ævarsdóttur með ítrekuðum neikvæðum fréttaflutningi sínum og að hann sé þar að reka pólitík í skjóli RÚV.
,,Það er nú meira hvað sumir fréttamenn RÚV fá að nota ríkismiðilinn til að reka sína pólitík. Í frétt um frumvarp í breska þinginu, um að sum bresk yfirráðasvæði birti lista yfir eigendur fyrirtækja sem þar eru skráð, lagði fréttamaðurinn lykkju á leið sína til að hnýta í konuna mína.
Eftir vangaveltur um hversu mikið fé væri falið í skattaskjólum „meira og minna utan sjónmáls og seilingar skattayfirvalda“ fylgdi eins og skrattinn úr sauðarleggnum fullyrðing um að eiginkona mín hefði átt svona aflandsfélag.
Það er eins og margoft hefur komið fram rangt. Konan mín hefur aldrei átt „aflandsfélag“ hún sjálf og félag í hennar eigu hafa þvert á móti alltaf verið íslenskir skattaðilar og greitt fullan skatt hér á landi (og meira til) þar sem nafn, skráningarland og eignir hafa verið gefnar upp frá upphafi.
Það er ekki hægt að una því að ríkisfjölmiðillinn sé ítrekað notaður til að vega að eiginkonu minni sem alla tíð hefur lagt sig fram við að standa skil á öllu sínu gagnvart samfélaginu og miklu meira en það.
Maðurinn sem skrifaði og flutti fréttina er faðir þess þingmanns Pírata sem hefur gengið lengst í meinbægni og því að kasta fram ásökunum og rangfærslum í minn garð og margra annarra samstarfsmanna.
Ýmsir ættingjar mínir og vinir hafa miklar skoðanir á ýmsum stjórnmálaflokkum og -mönnum. Ætli einhver þeirra geti fengið vinnu hjá ríkisstofnuninni til að koma sjónarmiðum sínum á framfæri í fréttum? Það myndi eflaust nægja þeim að fá að segja rétt frá.“ Segir Sigmundur Davíð Gunnlaugsson formaður Miðflokksins.
Það er ekki hægt að una því að ríkisfjölmiðillinn sé ítrekað notaður til að vega að eiginkonu minni sem alla tíð hefur lagt sig fram við að standa skil á öllu sínu gagnvart samfélaginu og miklu meira en það.
Maðurinn sem skrifaði og flutti fréttina er faðir þess þingmanns Pírata sem hefur gengið lengst í meinbægni og því að kasta fram ásökunum og rangfærslum í minn garð og margra annarra samstarfsmanna.
Ýmsir ættingjar mínir og vinir hafa miklar skoðanir á ýmsum stjórnmálaflokkum og -mönnum. Ætli einhver þeirra geti fengið vinnu hjá ríkisstofnuninni til að koma sjónarmiðum sínum á framfæri í fréttum? Það myndi eflaust nægja þeim að fá að segja rétt frá.“ Segir Sigmundur Davíð Gunnlaugsson formaður Miðflokksins.