7,7% vantar meiri vinnu og 4% eru atvinnulausir

Hlutfall atvinnulausra var 4,0% í júní 2022 samkvæmt árstíðaleiðréttum tölum vinnumarkaðsrannsóknar Hagstofunnar. Árstíðaleiðrétt atvinnuþátttaka var 79,8% og árstíðaleiðrétt hlutfall starfandi 76,6%. Árstíðaleiðrétt atvinnuleysi jókst um 0,5 prósentustig á milli mánaða á meðan hlutfall starfandi dróst saman um 1,4 prósentustig. Árstíðaleiðrétt leitni atvinnuleysis hefur lækkað um 0,7 prósentustig síðustu sex mánuði á meðan leitni hlutfalls starfandi hefur aukist um 0,4 prósentustig.

Samkvæmt mælingu vinnumarkaðsrannsóknarinnar, án árstíðaleiðréttingar, voru 224.300 einstaklingar á aldrinum 16-74 ára á vinnumarkaði í júní 2022 sem jafngildir 82,9% atvinnuþátttöku. Af vinnuaflinu voru 216.800 starfandi og 7.500 atvinnulausir og í atvinnuleit. Hlutfall starfandi af mannfjölda var 80,1% og hlutfall atvinnulausra af vinnuafli 3,3%. Samanborið við júní 2021 hefur hlutfall starfandi aukist um 1,7 prósentustig á milli ára og hlutfall atvinnulausra dregist saman um 1,4 prósentustig.Áætlað er að 17.600 einstaklingar hafi haft óuppfyllta þörf fyrir atvinnu (slaki) í júní 2022 sem jafngildir 7,7% af samanlögðu vinnuafli og mögulegu vinnuafli. Samanburður við júní 2021 sýnir að hlutfallið hefur lækkað um tvö prósentustig á milli ára. Árstíðaleiðrétt leitni slaka hefur dregist saman um 1,3 prósentustig síðustu sex mánuði. Vinsamlegast athugið að samtala undirliða kann að vera ósamhljóða heildarniðurstöðum þar sem tölur eru námundaðar að næsta hundraði.

Um gögnin
Niðurstöður vinnumarkaðsrannsóknar fyrir júní 2022 ná til fimm vikna frá 29. maí til og með 2. júlí. Í úrtak völdust af handahófi 1.912 einstaklingar á aldrinum 16-74 ára með lögheimili á Íslandi. Þegar frá eru taldir þeir sem voru látnir eða búsettir erlendis var nettóúrtakið 1.880 einstaklingar. Alls fengust nothæf svör frá 1.046 einstaklingum sem jafngildir 55,6% svarhlutfalli.

7,7% vantar meiri vinnu og 4% eru atvinnulausir

Atvinnuleysi 4,0% í júní

Ritstjórn Fréttatímans

Discussion about this post

Mest lesið í dag

Mannrán í Keflavík – Útgerðarmenn að verki

Lenti á botninum og lagður inn á geðdeild

Hátt í 3000 manns leituðu að Bjarna án árangurs

SUMARIÐ BÚIÐ? – ,,10 DAGA SPÁIN ER ANSI AFGERANDI”

Gera stólpagrín að seðlabankastjóra og ríkisstjórninni

Welcome Back!

Retrieve your password