Varðandi upplogna níðgrein sem blaðamaður var plataður til að birta opinberlega ,,þá var það með ólíkindum og ótrúlegt dómgreindarleysi að birta þessa fáránlegu níðgrein sem er byggð á lygi frá A til Ö sem eltihrellir til áratuga er höfundur að. Eltihrellirinn býr í Grimstad í Noregi og hefur stöðu sakbornings vegna rangra sakargifta eftir að lögregla rannsakaði mál á hendur manninum. ,,Ég skil að blaðamaður D V, hafi látið glepjast af þessari lygi en það er sérgrein þessa manns að ljúga, það vita allir sem til hans þekkja,“ segir Eggert Skúli Jóhannesson en hann og margir fleiri hafa orðið illilega fyrir barðinu á eltihrellinum undanfarin ár og áratugi samkvæmt heimildum Fréttatímans. (Fyrst birt 4. september 2019 – Héraðssaksóknari hefur ákært eltihrellinn og krefst 16 ára fangelsisdóms yfir honum fyrir Héraðsdómi Reykjavíkur, vegna alvarlegra rangra sakargifta, m.a. í D V – og víðar).
Eltihrellir sem fjölskylda og allir vinir hafa yfirgefið
,,Um er að ræða eltihrelli, sem er fyrrverandi fjölskyldumeðlimur, en ég og mín fjölskylda lokuðum 100% á hann um 2015. Foreldrar hans lokuðu á hann fyrir um 15 árum eða meira sem og systkyni mannsins og allir vinir. Um er að ræða helsjúkan alkahólista og dópista sem hefur eltihrellt alla mína fjölskyldu og miklu fleira fólk. Hann er t.d. frægur á sínum heimaslóðum fyrir einelti og glæpi, ég tel að hann eigi örugglega eftir að lenda í fangelsi samkvæmt þeim öruggu upplýsingum sem ég hef og ég veit um glæpina, það er ástæðan fyrir þvi að hann ofsækir mig og mína og ber út lygar í fjölmiðlum m.a. og á netinu.
Eltihrellirinn stal peningum vegna sölu á skipi
Ég tjáði honum að ég mundi vitna gegn honum fyrir dómstólum og vitna með mínum gamla vini sem fékk hann til að annast um sölu og innheimtu á söluandvirði vegna sölu á báti í Noregi sem honum var treyst fyrir.
Til að gera langa sögu stutta, fékk vinur minn enga greiðslu fyrir bátinn úr hendi hans og mér skilst að um sé að ræða háa fjárhæð. Þegar ég tjáði honum að ég mundi vitna gegn honum, hótaði hann mér því að hann mundi ganga frá mér og ljúga öllu illu upp á mig opinberlega með níðgreinum á Íslandi, til þess að gera mig ótrúverðugan, þetta er til skriflegt í skilaboðum frá honum og hefur verið afhent lögreglunni sem rannsakar þetta mál og fleiri á hendur honum.
Það hefur greinilega verið ástæðan fyrir þessari lygagrein í blaðinu en góðu fréttirnar eru þær að ekki nokkur lifandi maður trúði einu orði sem þar kom fram, vegna þess að fólk þekkir eltihrellinn í Noregi, af slæmu einu. Þá birtist þetta í ótraustasta miðli landsins sem birti m.a. 100% upplogna og fáránlega grein undir hans ritstjórn.
Manninum sem verður ekki nafngreindur að svo stöddu að ósk Eggerts en býr í Suður Noregi, ,,er þarna treyst fyrir sölu á einum báti og allir peningar hurfu, ég hef aftur á móti selt um 2.000 skip og kvóta og allir fengið sitt 100% á því 15 ára tímabili sem ég átti og rak eina stærstu skipa- kvóta- og fasteignasölu á Íslandi. Þá hefur þessi níðgrein og aðför ekki haft þau áhrif sem hún átti að hafa, því ég hef sjaldan haft meira að gera í viðskiptum. Fréttatíminn hefur undir höndum gögn sem styðja þessa frásögn og jafnframt staðfestingu á því að Eggert hefur alla tíð verið með hreint sakavottorð og aldrei verið ákærður fyrir nokkurn skapaðan hlut. Aðförin gegn honum af hálfu þessa eltihrellis er svívirðileg og hefur verið kærð til lögreglu sem rannsakar málið. Þá hafa fleiri mál hrannast upp frá fleiri aðilum, gegn þessum eltihrelli, frá því þessi grein var skrifuð.
Ég get að sjálfsögðu ekki birt hér alla söguna varðandi þennan fársjúka einstakling, það þarf margar greinar í það og mikinn tíma, það verður jafnvel birt síðar og hann nafngreindur. En þessar lýsingar og skýrslur eru til skriflegar og fjöldi manns hafa óskað eftir að fá nálgunarbann á manninn. Fleiri lögregluembætti hafa komið að málum mannsins. Þá er hann einnig frægur í kommentakerfum á facebook og hefur víða verið úthýst. Þá hefur hann búið til nýja aðganga og skipt um nafn og hefur stundað það um árabil að villa á sér heimildir.
Andlega vanheill eltihrellir
,,Í AA fræðunum er sagt að ef að fólk grípi ekki í taumana þegar það ræður ekki við mjög alvarlega áfengis- og/eða fíkniefna fíkn eða það fái ekki faglega aðstoð með innlögn á stofnun.
Þá taki við annað hvort geðveiki eða dauði, þannig er það orðað í bókinni. Ég og önnur vitni getum vottað það að hann hótaði í mörg ár að fyrirfara sér en hafði aldrei kjarkinn sem þarf, ég get líka vottað að þessi maður er ekki með sömu geðheilsu og hann var með þegar hann hóf neyslu vímuefna fyrir 35 árum. Maður sem hefur verið með heilann sósaðann í vímuefnum, daglega í 35 ár getur ekki komist klakklaust frá því, sama hver sjúklingurinn er. Líffræðilega er það ekki fræðilegur möguleiki.
Eftir að blaðamaðurinn fékk skjáskot af Facebookfærslum sem ég fékk send frá þessum ógæfumanni, sem sýnir hve helsjúkur þessi ‘‘heimildamaður‘‘ er, þá hættu níðskrifin samdægurs, enda blasir það við öllum þeim sem þau sjá, að þarna er maður sem gengur ekki heill til skógar. Lögmaður minn fer með þetta sorglega mál fyrir mína hönd og næstu skref verða ákveðin í samráði við hann. Lögreglan er líka með mikinn fjölda af kærum á hendur honum sem eru í rannsókn og bíða ákæru.
Það er sorglegt að horfa upp á þennan mann sem ég mun líklega nafngreina síðar, vera í stöðugri neyslu og brjóta allar brýr að baki sér, hvar sem hann kemur.
Fjölskyldan og vinirnir eru löngu farnir, hann er einn og vinalaus og víman er eina huggunin. Ég samhryggist hans nánustu aðstandendum.
Ég mun líklega fjalla nánar um þessi mál síðar og nafngreina aðila enda eiga þessi mál jafnvel heima í heimspressunni og af nægu að taka, það efni dygði í bækur og sumir færu mjög illa út úr því, en ég læt þetta gott heita að sinni. Því sem betur fer hef ég nóg annað að gera en velta mér upp úr harmleik þessa manns og meðreiðarsveina“
Eltihrellir lýgur upp á Eggert Skúli Jóhannesson – Upplogin níðgrein
.
Styrmir Elvar Jóhannesson
